زيت السمسم الأصلي تعالي

زيت السمسم الأصلي بحكم معرفتي بهذا الزيت احس في ناس يهولون و انا ابدا ما احب المبالغة او الوصف الغير صحيح او غير دقيق للمنتجات
الزيت الاصلي من المعصرة اولا لونه مركز جدا لونه قوي قوي اصفر كذا على كبريتي لونه ابدا مو شفاف او اصفر خفيف هذا مو الاصلي يمكن فيه نسبه من زيت السمسم لكن مو الزيت 100%
الشيء الثاني زيت السمسم معروف فيه رائحة قوية جدا و للامانة من الصعب جدا انك تعيشي يومك و هو على راسك الا اذا حاطة شي و على فكرة حتى لو لابسة حجاب رائحته نفاذة و غير مستحبة
هل فعلا يطول الشعر؟ هل زيت الزيتون يطول؟ هل زيت الجدايل يطول؟ هل زيت اللوز يطول؟ هذا السؤال يعتمد على شعرك و تقبل جسمك انا ما اقدر اقول ينفع للكل بس مثل اي زيت يناسب البعض و البعض لا عموما هو معروف انه مفيد للشعر و كثيرين يقولون يطول و كلامهم صح بس عادي تستخدميه و ما ينفع معك

اللي ابى اقوله بعض البنات يوصفون رائحته مقبولة على فكرة مو سالفة اني ما استحمل الروائح او عندي حساسية بس لاي شخص كان يشم الريحة ما راح يرتاح ابدا هي الريحة قوية مو سالفة زينة او لا الرائحة نفسها نفاذة و اذا عندك حساسية راح تتضايقين و اذا تركتيه وقت طويل بتحسينه ثقيل على الراس ...و التجربة تفرق من بنت لبنت
جربوه و ادعولي :)