زيت النخيل في حليب الاطفال

صباح الخير يا احلى حوائيات


بنات عندي كم استفسار كتير محيريني و سألت اكتر من دكتور و ما حد اعطاني جواب شافي

المهم

1- انا عايشة بالكويت أوكي و قبل كم يوم كنت بشتري حليب لبنتي ( عمرها سنة و شهرين و وزنها 9 ضعيفة ) و أكلها سيء جدا ==>> المهم شفت مندوبة بتوزع متل نشرات عن حليب سيميلاك 3 (غين بلص ادفانس) و مكتوب فيها انه حليب سيميلاك الحليب الوحيد الخالي من زيت النخيل و الذي يمنع امتصاص الكالسيوم و لما قريت على علبة السيميلاك لقيت انه مكتوب نفس الكلام
هل هذا الكلام صحيح ؟؟ و لو افترضنا انه صح هدا معناه انه افضل حليب , طيب كيف بيحكوا انه كل الحليب متل بعضه ؟؟؟ و هل معنى هذا انه زيت النخيل الموجود في كل انواع الحليب الاخرى ضار و يقلل من امتصاص الكالسيوم !!!

2- انا محتاجة حليب يسمن بنتي و يغذيها لان اكلها قليل كتير ==>> ايهم افضل و يسمن اكتر سيميلاك 3 او بروجرس او نيدو 1 ؟؟

3- هل ممكن استخدم مثلا نيدو 1 مع بدياشور بمعنى هل اقدر استخدم نوعين حليب للطفل ؟؟

4- هل فعلا ان الحليب المخصص للرضع مثل سيميلاك و بروجرس و نوفولاك و بدياشور و ..... عبارة عن حليب نباتي و لكن النيدو 1 و انكور 1 عبارة عن حليب حيواني (بقري) و شو الفرق بينهم ==>> هل الدهون الحيوانية مضرة للطفل في عمر السنة ؟؟

5- من وين نعرف انه الحليب بيسمن من السعرات يللي فيه او البروتين او الكربوهيدرات ==>> اقصد هل من مكونات الحليب و النسب نقدر نعرف اذا بيسمن او لا ؟؟

آسفة طولت عليكم و سامحوني على كترة الاسألة بس انا ام جديدة و بدور على الافضل لبنوتي :04: و بدي تكون صحتها كويسة و ياريت نفيد بعضنا

ادعوا لبنتي الله يهديها و يحفظها من المرض و من كل شر آميييييييييييين
الله يوفق كل من ترد علي و تفيدني