راح احكي لكم قصتي
في البداية قريت في النت عن زيت جدايل الأحمر من عبد الصمد القرشي مطول الشعر واسمع كثير يستخدمونه ويقولون انه يطول الشعرر وريحته تروح بعد الغسيل مباشرة فتحمسست وطوالي اشتريته وهذي صورته
كنت احطه مرتين في الأسبووع سبت وثلاثاء واخليه ساعتين احيانا اغطيه واحيانا لا , بعد ما اغسله بشامبو صانسيلك الوردي
لانه افضل شامبو ناسب شعري وكل ما خلصت علبه اشتريت غيرها وكنت اشتري اثنين مع بعض عشان مو كل شوي اروح
بعدها استخدم كريم فاشكول بالثوم
احطه على شعري من 3 الى 5 دقايق واغسله والريحه تروح طوالي
وعلى فكره نسيت لا اقول لكم استمريت عليه تقريبا شهر بس
النتايج اللي حصلت عليهاا :
1- نعومه
2- لمعان
3- الشعره نفسها صارت سميكه
4- الطول يمكن بس 1 سم لاني ما استمريت عليه
ويوم من الأيام كنت على لابي حبيبي واقرى رأي البنات وش احلى زيت يطول الشعر
لقيت انه زيت دابر املا
يتكلمون عليه اككككثر بكثير دبلات الدبلات عن زيت جدايل
فقلت يمكن هو احسن عشان كذا مرا مرا يمدحونه مع انه ارخص ممن جدايل زيت جدايل من 50 الى 70 ريال وزيت دابر املا من 10 الى 16 ريال مايزيد اكثر من كذا
طبعا اختكم في الله ترركت جدايل على طول يعني يوم جا الثلاثاء اللي المفروض احط جدايل حطيت دابر املا وخليته ساعتين وغطيته بكيس ومنشفه جافه
لما كنت ادهن شعر فيه كان شعري يطيح صارت شبكه في يدي
ولما اجي اغسله نفس الشي بس خفييف جدا الحمد لله
ولما يجف ماعاد يطيح شي واحيااااانا اذا دخلت يدي بين شعراتي تنزل شعره ولا شعرتين < وهو جاف
وعلى فكره لما امشط شعري مايطيح بس وانا ادهن الزيت وانا اغسله
انا حاليا احط الزيت يوم ورا يوم بتقولون كيف مع الدوام ؟ لان رييحته ماتروح من الشعر
انا اقول لكم كيف احطه ساعتين نفس طريقتي مع جدايل واغطي بكيس ومنشفه جافه < عشان ريحته تصدع راس امي وتطردني من عندها وززحمه ههههه
المهم احطه لما ارجع من الدوام على طول وانام ساعتين اصحى اغسله واحط كريم كاب فاشكول 5 دقايق ولما يبدأه يجف يصير مبلل بس مايقطرر ادهنه بكريم مغذي الشعر بالمرز الأصفر
نفس هذا بالضبط
وتختفي الريحه نهاائياا
اما عن الأستشوار تركته نهائيا من استخدمت املا وحصلت حل بديل بنفس مفعول الأستشوار الا وهو
المكر او الرول اسويه وشعري مبلل بعد ما ادهنه بالبالمرز واخليه لين يجف تماما وافتحه والله الله ع النعوومه
سؤؤؤؤاااالي هوو :
هذي طريقتي بالتفصيل الممل تتوقعون فيها شي غلط ؟ يعني اتوكل على الله واستمر؟ وتتوقعون ان التساقط طبيعي وبيخف ولا ؟ بالذات اني تركت جدايل واستخدمت املا على طول من غيير ما اخلي فتره بينهم ع اساس شعري يرتاح ولا لا ؟؟
واي سؤال انا حاضرره وسوري طولت عليكم
في انتظاركم :)
لأنه يخنق البصيلات بزيادة ويزيد التساقط