زيت جنين القمح دمرني

السلام عليكم

كيفكم بنات


ماادري وش اقولكم وربي لو اقدر ابكي بكيت بس الحبوب تحرقني


انا سمعت وقريت كثير عن زيت جنين القمح و تحمست واشتريته


اخذت الاصلي من وادي النحل


المهم بديت استخدمه

استمريت عليه لمدة 8 ايام


وكنت مبسوطه

استخدمته اساسا عشان الهالات السودا وكنت احطه على باقي وجهي ورقبتي واكواعي والمنطقه اللي مقابله للاكواع من قدام لليد _ يعني ثنية اليد المقابله للكوع من فوق_


المهم اني ادهرت بجسمي

اول ثلاث ايام لاحظت حبوب صغيره وحمرا ولها راس ابيض طالعه في ثنية يدي وقلت يمكن من الزيت يعني من ثقل الزيت شوي على البشره وانه يحبس الحراره في المنطقه يمكن ولا كتمها


المهم طنشت

بعد كم يوم لاحظت منطقه الهالات السودا فيها انتفاخ بسيط اذا صحيت من النوم وصرت اقول في نفسي ياسلام

هذا اللي يقولون عنه البنات انه يشد البشره ويجددها اكيد هالانتفاخ هو شد للبشره

طبعا لاحظت ان الهالات خفت شوي يعني كانت بني غااااااااامق ومساحاتها كبيره


لاحظت انها صغرت شوي نتفه يعني شي بسييييييييط ولونها فتح درجه بسيطه بس مااحد لاحظ حتى اهلي اللي معي في البيت بس ما اهتميت كنت مبسوطه واقول ياسلام اذا 8 ايام وصار كذا اجل اذا خلصت العلبه وش بيصير

وقررت اني اخليه عنايتي الليليه في بشرتي للابد


بس للاسف يافرحه ماتمت
لاحظت كل يوم يكبر الانتفاخ تحت عيني


بعد 8 ايام جاتني الدوره وتعبت وتركته


بعد ماخلصت الدوره

طنشت زياده يومين


تخيلوا صحيت قبل يومين الا منطقه الهالات منتفخه مرررره وحمرا وعيني تعورني ومسببه لي صداع قوي قسم بالله واصل لأذني من داخل الالم


واصحى قبل امس الا القى حبوب صغيره حمرا وتعووور منتشره تحت عيني اليمين



واصحى اليوم الا هالحبوب صار لها راس ابيض وتحرق وتعور مرررررررررررررررررررررررره


ومنطقه الهالات السودا اللي كنت ابي اعتني فيها تدرون وش صار


بنفسجيه والمساحه كبيره يعني اكبر من مساحه الهالات السودا قبل ماابدا اعالجها

قسم بالله مااكذب عليكم كانه احد ضاربني

والله اخوي الكبير يوم شافني قال وش ذا وش فيك قلت ماادري طالعه لي حبوب


واخوي اللي اصغر منه مر من جنبي بعدين رجع على طول قالي بسم الله وش فيها عينك

قلت مدري :06:


قالي ضاربك شي عليها


قلت لا


وامي طول اليوم ساكته وبس تطالع فيني

بعدين قالت لي يابنتي اقري على نفسك عينك مو طبيعيه


وانا امشي واقول مدري مدري


الا والله ادري ونص


كله من الزيت و ربي

بس وش اقول


لو افتح فمي امي بتزعل علي وتهاوشني لانها دايما تقولي انتبهي من هالخلطات والزيوت والله ماتفيدك

انا متاكده مااستخدمت اي شي معه ابدا ولا حتى كريم مرطب ولا اي شي


وتذكرت الحبوب الصغيره اللي طلعت لي بيدي اول ما استخدمته نفسها بس على اكثر تحت عيني



احس انه الانتفاخ كان التهاب او دمل تحت الجلد في منطقه الهالات والحين انفجر او التهب وطلع على شكل حبوب


وربي ندمااااااااااااااااااااااااااانه


الحين بدال ما اعالج الهالات السودا


يبي لي اعالج
هالحبوب


وبعدها اعالج آثار الحبوب



متحطمه


حتى مالي نفس اروح المستشفى ولا شي



والله ماقدرت حتى انام وكل شوي اروح اطالع بالمرايه



بنات نصيحه مو كل حده يناسبها الزيت


واللي ودها تستخدمه تخلطه مع ماي ورد



وبقولكم ليه بالذات ماي ورد


لانه بيكون خفيف على البشره ومايخنقها



خصوصا ان زيت جنين القمح الاصلي اللي من وادي النحل مركز

واتوقع ان حار على البشره او ثقيل عليها او ماادري


المهم


اللي ودها تستخدمه تخلط بنسب متساويه الزيت مع ماي ورد يكون اخف


ولا تخلطونه مع زيت اللوز


لانه بيكون زيت × زيت

صحيح زيت اللوز المر مفيد

بس ولو في نظري مع ماي الورد احسن وافضل





وعلى فكره انا بشتري جااافه جااااااااااااافه جااااااااااافه


يعني لو دهنيه اقول انها ماتحملت الزيت


بس جافه والمفروض انها تكون تمام مع الزيت لانه مرطب

ولا عمري طلعت لي حبوب

الا حبه ولا حبتين المعروفه للدوره او اذا زكمت وجاتني حراره حبه هنا ولا هنا من اثر الحراره


و للاسف حتى الوقت اللي فادني ماستفدت بشي كثير

مجرد الهالات تقلصت شوي ولونهم صار بني بدال ماكان
بني غامق


والحبوب اللي طلعت رجعت أسوء من قبل





وعلى فكرة

قريت اكثر من موضوع انه بعض البنات طلع لهم حبوب


والله شفت صور بنت اماراتيه كاتبه معاناتها منه وكانت الحبوب طالعه في خدودها


هذي معاناتي في عيني اليمين


اما عيني اليسار والله العظيم مااكذب عليكم من اول يومين استخدمته اني احس عيني فيها عرق مشدووود من تحت عند الهالات وطول الوقت ترف

والى الان

صحيح خف الشد بعد ماتركت الزيت بس والله الى الان وانا اكتب لكم انها ترف والله يستر مايجيها شي





تكفون اللي عندها حل تعطيني


ولا ادعو لي بس انه الله يشفيني منها وترجع عيني وبشرتي مثل قبل

ماعاد ابي اعالج الهالات ولا شي بس على الاقل ترجع لمثل اول وبكيفها الهالات