زيت جوز الهند متجمد !!!!

السلام عليكم ورحمة الله وبركاته..
من شهور أيام البرد جدي كان مسافر الهند في بلدة ما اذكر شو اسمها بس تبدأ بحرف الكاف شئ كذا ما اذكر والله اسمها ،، المهم اهو كان رايح يشوف المسجد اللي بناه هناك المسلمين جزاه الله خير .. ولما رجع جاب لنا معاه زيت جوز الهند الأصلي من الهند .. اعتقد طبعا انه من شغل ايدهم يعني أظن انه 100 ٪ أصلي وطبيعي .. وكنا حاطينه عندنا بالغرفة واستخدمناه شويه وبعد كم يوم لقيته متجمد ولما وريته لأبوي قالي لا تستخدمينه لانه مؤ أصلي بما انه تجمد وقالي شوفي زيت الزيتون ما تجمد وهو من زمان عندهم في الغرفة كان زوج خالتي جايبنه من سوريا أو الأردن يمكن ما اذكر والله بس من بلاد الشام ... المهم ورميت زيت جوز الهند.. 

وفي هالفتره ( الصيف ) أمي شرت لي زيت جوز الهند فاتيكا ومر يومين أو ثلاث وأنا ما فتحته وبعدين لما جيت أدهن منه شعري شفته متجمد ،،، أمي قالت عادي استخدميه ما يضر ..
 بس أنا مستغربه انه أي زيت من أي نوع ثاني غير جوز الهند ما يتجمد إلا جوز الهند اهو الوحيد اللي يتجمد مدري ليه ؟؟؟

يعني هل هو منتهي ألصلاحيه ؟ ولا تعفن ؟
ولا فيه بكتيريا او شي؟؟؟
عادي استخدمه ولا لأ؟؟