زيت خردل؟معقول؟؟؟

السلام عليكن حبيباتى فى الله
النهاردة اشتريت زيت خردل من العطار بعد ما قريت عن فوائده المتعددة فى انبات الشعر و تطويله فى المنتدى
روحت البيت و انا فرحاااااانه و فتحت الزجاجة و.....بوووووم:19: ريحة تصرع كأنها.اممم مش لاقية ريحة فى نفس مستوى الصدمة!! لكن تشبه الى حد ما ريحة الثوم او البصل المتعفن :11: ..... جربت منه على جزء صغير من شعرى و انتظرت ساعتين و غسلت شعرى كتيير كتييييييير و زيادة تأكيد حطيت ماء مضاف له خل تفاح....و بعد ما خلصت الا ولقيت الريحة موجودة:29: حطيت ماء وخل و الريحة موجودة ! حطيت الخل نفسه و الريحة موجودة! غسلت شعرى حوالى 854739897 مرة و الريحة موجودة! حطيت ماء ونسكافية و الريحة لسه موجودة! حطيت النسكافية شخصيا والريحة موجودة!!!!!
لحد مازهقت رحت حطيت زجاجة بارفان فى شعرى :23:
و اخيرا الحمد لله































الريحة لسة موجودة!!!!!!!!!!!!:42:

انا بس عايزة اسأل سؤال برىء

بقى هو ده زيت الخردل؟؟؟؟؟؟:mad:

إهىىىىء :44:اعمل ايه بس المفروض انى اخرج فى الصبح بس حاسبب اكبر مجزرة فى التاريخ لأن كل الناس اللى فى الشارع اول ما حأهل عليهم حيموتوا......
يللا ربنا يعين

السلام عليكم:01: