زيت رائع يطول ويكثف وينعم الشعر وطبيعي 100%

هلا وغلا ،،
بقولكم السالفه من البداية،،،،
والله يا بنات اني أقولكم الصدق ولا أزود عليكم شي،،،
أعرف وحدة من صديقاتي كان شعرها خفيف ومتنتف ومايطول الا شي بسيط وكان طوله تقريباً لين نصف ظهرها،،، ويوم شفتها عقب فترة تقريباً مايقارب سنة ونصف والله يابنات انه شعرها واصل لين فوق ركبها بشويه،،، واعتدل شعرها وايد وصار طويل وكثيف وفيه حيويه،،، وأنا ماصبرت على طول قلتلها انت شو تحطين في شعرك،،
قالت لي سرت عند ناس نعرفهم وشفت شعر بنتهم ماشاء الله شعرها واصل لين ريولها ومن كثر ماهو طويل وغليظ ما تفتحه جدام حد تخاف حد يظربها وأنا شفتها ماره في بيتهم بالصدفه بعين قمت وسأليتها شو تحط في شعرها قامت وعطتني شويه من زيتها الخاص وقالتلي هاي حرمة من دبي تيب مجموعة من الزيوت والأعشاب من الهند تطول وتكثف الشعر.. فتقوم بخلط الزيوت مع بعضها البعض ووضعها على النار ثم تقوم باضافة الأعشاب وأشياء أخرى للزيت ومن ثم تضع الزيت في الشمس لفترة زمنيه معينه..
على طول سرت وخذت أنا وبنات أختي الزيت والله العظيم يابنات انه شعرنا طول وغلظ وصار أحسن من الأول ب 180 درجة.. ماأدري شو السر في هذا الزيت...والله يابنات ما أبالغ في شي من اللي قلته...

فحبيت أقولكم علشان تستفيدون...

ملاحظة: كان شعري لين كتفي صار يلين آخر ظهري مع اني أقص شعري من فترة لأخرى...
وعلى فترة الزيت مافيه ريحة قوية وريحته بالنسبة لي حلوة...

مع تمنياتي لكم بشعور طويله وبهيه...