بسم الله الرحمن الرحيم..
السلام عليكم ..
.
.
اخباركم جميعا .
مااعرف للمقدمات لكن..
.
زيف المشاعر انتشر كثير بمجتمعنا خصوصا بين البنات
مثلا بوقت الجامعه والدراسه
خصوصا اذا كنتي جميله او غنيه او متفوقه ..
ياكثر الصديقات ..
وياكثر قروبات الواتس ..
وياكثر المناسبات ..
وان غبتي الكل سأل ..
تمر الأيام ..
تتخرجين..
او لاسمح الله تغير وضعك الاجتماي للأسوء
او صار شي لصحتك ولجمالك ..
.
.
تعالي شوفي مين يسأل عنك ..
تعالي شوفي كيف القروب اللي شهد ضحكاتكم وسوالفكم كيف صار ميت..
كيف عدد الاعضاء كل يوم ينقص ..
.
كيف بوقت العيد مجرد معايده باهته وبرودكاست مرسل للكل ..
.
لانه بصراحه انتهت المصلحه ..ولازم تعرفين هالشي حتى لو كان متأخر ..
.
.
وهذا الكلام ينطبق على الصديقات ..
للاسف الصداقه السعوديه قائمه على المصلحه ووقت الفراغ ..
ان كانت فاضيه. وعندها وقت فراغ
تروح وتجي مع صديقاتها وتعزمهم ويعزموها ومكالمات وتواصل
تعالي شوفي اول ماتنخطب وتملك ..
بلوك من كل شكل ولون..
ليش طيب؟
هالصديقه مالها حق عليك؟
هالصديقه مالها واجب انك تعزمينها
على الاقل اعملي انسحاب تكتيكي بعد الزواج وحطيها براس زوجك
مو بعد ملكه..
باختصار احترمي مشاعرها ..
.
.
وزيف المشاعر منتشر بجمعاتنا وطلعاتنا ..
وينطبق علينا سبحانه "تحسبونهم جميعا وقلوبهم شتى"
هذي تكره هذي ..
وهذي تبي تقهر هذي
وهذي ترمي كلام على هذي
وهذي حاقده على هذي
طبعا هذا كله من تحت لتحت ودق بالكلام
ولا الكلام اللي طالع بالمجلس
كله سلام وترحيبات وش اخباركم وش علومكم ..
بس "وماتخفي قلوبهم اعظم”
باختصار..
.
.
حافظوا على نقاوه مشاعركم ..
واحرصوا على جبر خواطر الناس
وخصوصا بوقت حاجتهم ..
.
ولاتتخلوا عن الناس بعز حاجتهم لك ولو معنويا
فهذا جرح عظيم يصعب ان يندمل ..
.
.
وكرروا ..
"ربنا لاتجعل في قلوبنا غلا للذين امنوا .."
رب اجعلني في عليين واحفظ لساني عن العالمين..
وفاء وامل770 @ofaaa_oaml770
عضوة فعالة
يلزم عليك تسجيل الدخول أولًا لكتابة تعليق.
جوالي مكسور101
•
سبحان الله
قمٰر ✨ :
لا يمكنك مشاهدة هذا التعليق لانتهاكه شروط الاستخدام.
لانه مجتمعها مو قصدها الإساءة احسني الظن
لان ما تدري الحال كيف في المجتمعات الثانية ولا تقدر تحكم عليها..
فتكلمت عن مجتمعها !
لان ما تدري الحال كيف في المجتمعات الثانية ولا تقدر تحكم عليها..
فتكلمت عن مجتمعها !
لانه مجتمعها مو قصدها الإساءة احسني الظن لان ما تدري الحال كيف في المجتمعات الثانية ولا تقدر تحكم عليها.. فتكلمت عن مجتمعها !لانه مجتمعها مو قصدها الإساءة احسني الظن لان ما تدري الحال كيف في المجتمعات الثانية ولا تقدر...
شكرا ام عنتره على حسن ظنك بأخيتك
الصفحة الأخيرة