اختي سحايب
لو بيدي أخلي موضوعك هذا موضوع عام 2008 ويسوى له دعايه بعد
بصراحه طلعتي اللى بقلوبنا

مظاهر المستشفيات والمبالغه هاذي شي عجيب

الله يهدينا لكل خير

ومشكلة بعض الناس اذا نصحتيهم يقولون لك حنا نعطي ونتصدق!!!

المشكله مو بالتصدق المشكله بالمبالغه بألاسراف اللى ماله داعي وهالمال محاسبين عليه

الإسراف في مجتمعنا صار ظاهرة، ومن ثم صار
صار عادة وسجية ينشأ عليها الصغير ولا يستغربها الكبير


الزواجات وقلنا امرنا لله بس توصل للولاده
الوحده ياللهتفتح عيونها من التعب وينها ووين هالآمور
ماشاءالله على الحريم والله استغرب فعلآ شلون الوحده تجامل على حساب صحتها

من ناحيتي اعتبر النفاس بالبيت راحة تامه مو بأستقبال زوار كل يوم!!
المستشفى ويكفي والا ماقدر يزور بالمستشفى بالتلفون تبارك
وأذا قامت الوحده بالسلامه بيتها مفتوح ياهلا وسهلا

اتمنى هالموضوع يجد أذان صاغيه من الجميع لآن المظاهر تجاوزت الحد والله لا يعاقبنا

واكرر شكري وتقديري لصاحبة الموضوع
الله يجزاكِ خير ويبارك فيك ويكثر من أمثالك

اللهم ياحي ياقيوم ياذا الجلال والإكرام
أسألك باسمك الأعظم الذي إذا دعيت به أجبت وإذا سئلت به أعطيت أن توفق أختي سحايب نجد وحرم يديها على النار وأن ترزقها الطفل المعافى السليم وتسهل أمرها وتلبسها لباس الصحة والعافية وتجزيها خير ما تجزي عبادك الصالحين
[فعلا كلام في محله والله من زمان كل ماقرات بالتجهيزات افكر بالحريم هم مايتعبون بالحمل ولايفكرون بالموت مع اني الحين صرت اسمع الكثير من الحوامل ياقيصريه ياوفاتها ويوفاة الجنين وصرت اخاف وانا مااجهز الا بعد الولاده والهدايا اتوقع بعد تغطي
لكن الوحده تحمد الله على السلامه وتطلبه النجاة من هول الطلق وتعب الولاده وانتم كلكم عارفين مايحدث بغرف الولاده
وتحياتي للكل وسامحوني على الاطاله

انا معاك بكل كلمه قلتيهااااا وكنت استغرب من الاشياء الي اقراها من جد اسرررراف وتبذيررر والكلام الي قلتيه ماشاء الله عليك عين العقل

هلا اختي وبعد اذن صاحبة الموضوع

كلامك فعلآ غريب جدآ

والنقد الهادف كلنا نتقبله بصدر رحب
وهذا المفروض ماأحد يزعل من الحق أبدآ


ولكن!!!
أختي صاحبة الموضوع نصحت من باب الامر بالمعروف والنهي عن المنكر
وهذا واجب الجميع


مشكلتنا لو جت وحده وقدمت نصيحه
قالوا لها روحي شوفي كذا وكذا وكذا
كان الله بالعون لو بنحصي ماراح نخلص ابد



اختي اي ذنوب وأي ذمة
هي تذكر المخالفات والمبالغات وين وصلت عشان الناس تتعظ
وهذا شي للتذكير ولا خصت احد معين


الموضوع هذا بالذات وغيره هو



شوفوا الأن قسم التجاره والمخالفات اللى فيه ماراح يلحقون المشرفات من كثرها
شوفي شلون صارت صور عروض اللانجري والخرابيط اللى يبيعونها تجيب المرض
كل يوم يطلع شي جديد ويهون وينسى اللى بعده والسب السكوت

كم مره منعت الأداره بيع ألعاب ثبت انها مخالفه للشرع
وهذا مربط الفرس شوي شوي حتى ينسون الحريم أنفسهم بهالأبتكارت الفارغه


ويوم نصحتهم بكتابة موضوه هناك قالوا مو حرام هذا للزوج!!!!!!

اتمنى اختي فهمتي قصد الاخت كاتبة الموضوع
وأنا من تجربتي بكتابة موضوع بقسم التجاره واعتراض الكثيرات على الموضوع

حبيت أشارك هنا برايي


شوفوا هالمقال بجريدة الرياض ينتقدون الوضع للأسف بالمستشفى



أعتقد مافيه أبلغ من الكلام أعلاه

اي والله انك صادقه
الله يقومنا بالسلامة هذه بملك الدنيا