جزاك الله الف الف خير والله والله من زمان افكر اقول هالكلام و هذي عادات دخيله علينا ابتدعوها شوية حريم عقولهم فاضيه بجد بجد لقيت جيب تغرف منه فلوس وترمي لاتستغربين

ولدة قبل فترة في مستشفى المشاري وكانت فيه وحده والده بجانب غرفتي والله انك تستغربين من بوكيهات الورد الي نزلهم السائق ورصهم من حجرتها الى الاصنصير وبخرو عود وشغلو انشودة اطفال وعصافير تصوصو ووزعو هدايا على كل القسم حق الولاده باسم ام فلان الفلاني المولود رقم 3يعني ماهوالاول بعد

والله شئ يضحك من جد وماخلو احد ينام ذاك الليل ناس داخله وناس طالعه والسائق 5ايام كل يوم يجي يفتح باب السياره الفان ويحمل من الهدايا ويوديها بيتهم ويجيب معه بوكيهات ورد جديده ؟؟؟؟؟؟؟؟؟؟؟؟انا طلعت بعد اسبوع وهي باقي نايمه بالمستشفى شكلها كملت الاربعين عندهم

الله يجيرنا من العين بس مااحد يضمن ان البيبي مايموت وهو يولد والا الام ؟؟؟؟؟؟؟؟؟؟ الله يحرسهم جميع

صحيح فحدث ماهو بذر وبذخ والعبي بالفلوس

جزاك الله خييير والله يتمم عليك حملك ويقومك انتي ومولودك باالسلامه ياااارب
من جد الله يستر علينا ويحسن خاتمتنا

صح لسانك..انا ماقتنعت بهالبذخ لكن احيانا المجتمع يفرض هالشي والواحد مايبي يصير شاذ عنهم وهذا اللي محيرني مدري شسوي ؟؟

وحده من قرايبي سوت الهوايل بنفاسها ورب الكعبه الحين من مستشفى لمستشفى بالبنت اللي جابتها

فيه مرض غريب ماقدروا الاطباء يشخصونه والحين بالمانيا تدور حل لبنتها ..ماتوقع عين لان كل العائله الله منعم عليهم

لكن يمكن الله عاقبها على اسرافها وحب تكون عظه وعبره للباقي

حبيبتي اولا انا مو من النوع الي ابالغ او اتكلف بس ترا الي تبي تفرح عادي ياختي ان الله يحب ان يرا اثر نعمته على عبده وفرحة الولاده ماااااااابعدها فرحه والي ربي ميسر عليهم الحمد لله ماشحذو من احد وخليهم يفرحون الولاده تجي بالسنين مو بالايام تنعاد او بالشهور والحمد لله دام الواحد يتصدق ولا يسوي شي يغضب ربه مافيها شي ليش الواحد يحاول يغلق ابواب السعاده ولله ماحرم هالشي ياختي الحرام في الزواجات الي مبالغ فيا للفجر والاغاني ماتوقف والبوفيهات الي تنكب اما النفاس واستعداده ارى اخيتي انه ليس فيه اي نوع من الخطا وقدوم المولود يعتبر مناسبه يجب الاستعداد لها ومافيها شي اذا الوحده سوت هدايا ذكرا وجهزت شوكولاتات وعصائر وفرحت بشي مايغضب ربها 000000دمممممممممممممممتن بود