مرحبا يا بنات ....
في مرة من المرات ، سمعت هذا الحوار الحلو بين زينة ونحول :
زينة : عزيزي نحول منو الأحلى أنا ولا إنت ؟
نحول : يا زيونة إنت صج حلوة ما في شك ، بس أكيد أكيد أكيد
أنا أحلى ..!
زينة : يا حليلك والله ، وايد جايف نفسك .. ، أنا مو بس أحلى منك
أنا أحلى نحلة بالدنيا كلها ..!
نحول : يا مغرورة .. ، شرايج نسأل هنايا وهي تقول منو الأحلى ؟
زينة : هنايا أكيد تقول زينة المزيونة هي الأحلى ..!
نحول : لأ .. ، تقول نحول أحلى ، لأن أنا تقدر تسويني حامل للفرش
والأقلام ..!
زينة : شنو يعني ، وأنا بعد تقدر تسويني ..؟!
نحول : لأ يا حلوة .. ، إنت ما راح تتحملين تشيلين الأقلام والفرش
لأنج بنوتة رقيقة ..!!
زينة : زين قوللي شلون تقدر تسوي هنايا منك حامل للأقلام والفرش ؟
نحول : بسيطة .. ، أول شي كرة صغيرة تصبغها بلون البشرة و
ترسم عليها الملامح .
زينة : إي وبعدين ..
نحول : بعدين تييب كوب بلاستيكي أو أي كوب ثاني بلون مناسب
وتسوي فيه الخطوط بصبغ السبري بحيث إنها تحط خطوط من
اللزاق الشفاف وتترك بينها مسافات مناسبة .. ، وبعد ما ينشف
الصبغ تشيل اللزاق الشفاف وتصير خطوط وايد حلوة ..
زينة : إي وبعدين ..
نحول : بعدين تسوي فتحات بالكاوية حق اليدين والأرجل وحق
المسمار ..
زينة : اليدين والأرجل شلون تسويهم ؟!
نحول : تسويهم من أسلاك الكهربا ، تقصهم وتصبغهم والكفوف
تسويها من ورق المطاط أو ورق المقوى ..
وتثبت اليدين والأرجل في مكانهم وتحط من داخل شوية
شمع لاصق عشان يثبتون عدل ..
زينة : ما قلت لي يا شطور الراس شلون تثبته والأجنحة شلون
تسويها ؟!
نحول : الأجنحة تسويها من الورق المقوى أو ورق الملفات الشفاف،
والراس تثبته بسلك تدخله بالكرة والكوب وتشد السلك عدل
مع إضافة شمع لاصق ..
ويطلع حامل روعة .....
نحول : ها يازينة عرفت ليش أنا أحلى منج ؟!
زينة : إي عرفت ..، بس هذا ما يمنع إن أنا أحلى منك ؟!!!!
نحول : إففففففف .. ، راح تظل طول عمرها مغرورة ..
بس تدرون ما ألومها لأنها صج حلوة ومزيونة .. !!
القصه تجنن ما شاء الله علييييييييييييييج
والعمل طلع روعه
وايد حلووووووووووو
وعجبني كثير
تسلم الايادي
ويعطيج الف عافيه
:26: