إلى كل بنت في عالم حواء إذا بغيتي تكتبين موضوع شو تسوين:
طبعا أول شي بتكتبين الموضوع الجديد وبعدين بتدققين على كل كلمه كتبتيها عن يكون في حرف ناقص ولا كلمه غلط ولا كلمه تضحك عشان ما تتفشلين جدام البنات. :icon28:
ثانيا : بعد ما تأكدت إنه كل شي أوكي بتبدين تعدلين نوع الخط ولونه وكل سطر
بلون وكل نقطه بلون (حشى قوس قزح)عشان يكون أكثر تنسيق ويجدب الإنتباه .
ثالثا: ممكن تضيفين صوره لموضوعج . طبعا بتكون تناسب الموضوع ويقروونه أكبر عدد من البنات والردود تكون وزنها ثقيل.
صح ولا لأ كل وحده منا سواء أكانت مشرفه أو عضوه جديده تسعى أنه يكون موضوعها من أحلى المواضيع وكلن حسب نيته . حتى أنا في موضوعي هذا أسعى لهذا الشي(في بنات يبتغون وجه الله وأجره وإن شاء الله كلنا نكون مخلصين النيه وفي حد عشان الشهره وهذا مو عيب بس لازم الأول إخلاص النيه لله في كل عمل تقومين به علشان تلقين أجره في الدنيا والآخره).
والحين خلنا نسأل نفسناهذا كله لإرضاء عبيد من عبيد الله؟
فكيف نحن مع الله وخاصة عندما نقف بين يدي الله يسمعنا ويراناهل كنا بهذه الدقه
والتفصيل هل:
توضأنا صح وبتأني
هل تدبرنا كل كلمه نقولها
هل فهمنا الكلام إلي نقوله عشان نتأكد إن نحن مش مخربطين في شي
هل تأكدنا إن نحن ما نقصنا أو زيدنا في صلاتنا
وإن كنا زيدنا في صلاتنا أو نقصنا هل صلينا ركعتين السهو
هل سبحنا بعد الصلاه
أرجو كل وحده تراجع نفسها ولا تاخذنا الدنيا عن الدين
ولا أبرئ نفسي إن النفس لأمارة بالسوء
والعفو
وإن شاء الله براجع نفسي ..