السلام عليكم ورحمة الله وبركاته
مساكم / صبحكم الله بالخير
خواتي اقدم لكم مجموعة الزيوت اللي الحمدلله وبفضله فادتني وااايد وان شاءالله تفيدكم
أولا انا كنت استخدم الزيوت من زمان بس كنت الاحظ ان من احط الزيت شعري يطيح وايد :confused: بذات اذا اسويله مساج فسألت وقالو لي ان طبيعي لحد مايتعود عليه شعرج بس انا كنت حاسه ان في شي غلط (( بس )) مع هالزيوت شعري الحمدلله ماقام يطيح اثناء ماحطها كثر قبل
انا طبيعة شعري ناعم والحمدلله وفاتح والشعره مو متينه وعموما هو صحي لكن انا كنت ادورعلى شي يغلظ شعري ويوقف التساقط اللي ذبحني لين خذيت هالزيوت واللي الحمدلله واااااااايد مرتاحه عليهم ولاحظت نتيجتهم من اول مااستخدمتهم
صورتها لكم مع علبتها عشان تعرفون شكلها من برع وداخل واللي بدون علبة تنباع بس الغرشه بدون علبه يعني
نبتدي
زيت الأس
زيت النخاع (قللي المقدار اللي متعوده عليه لأن شوي دسم غير عن الباقي)
زيت جنين القمح
زيت اللوز الحلو
زيت جوز الهند اللي علبته الحديد مثل علب السمن انا مفظيته للأسف بس هاذي علامته
زيت باراشوت الأزرق اللي مرسوم عليه عجفة ومكتوب عليه شاملة
برنامجي
انا قررت هالمره ان استخدم كل زيت لحاله يعني عشان اشوف شنو يفيد شعري وشنو اللي يضره وعشان اعرف نتيجة كل زيت واعطي كل زيت حقه من غير ما اخرب على مكوناته باضافة زيوت ثانيه يمكن تقلل من فايدته
استخدم كل زيت بالترتيب يعني كل يومين او ثلاث ايام نوع ولما اخلصهم كلهم ارجع اعيد من اول
:time:
اخليهم على حسب اللي مكتوب 3 ساعات بس جوزالهند وشامله اخليهم من نص ساعه لي ساعه ونص او ساعتين يعني هالزيتين وايد مرن التعامل معاهم بتقولون وايد 3 ساعات لا مو وايد بس انتي مثلا اذا قعدتي الصبح بالنسبه للمزوجات اذا طلعو عيالكم وازواجكم حطو من الساعه 8 مثلا لي 11 وبسرعه يمر الوقت لأن بتكونين مشغوله فالبيت والبنات حالاتي عادي أي وقت
النتيجة
بختصار روووووووووووعه اللي لاحظته فهالزيوت انها خفيفه على الشعر ولا تسبب له تساقط اثناء وضعه الا قليل شي طبيعي يعني وحتى بعد الغسيل مايتساقط وايد وتحسين شعرج صااااار نااااااعم عن قبل وفرش وفيه لمعه حلوه والشعره صارت اقوى وبدا يطول اسرع
نصايحي لكم
ابد لا تحطين زيت على شعرج وهو مدهن او مو نظيف لأن فروة شعرج بتكون افرزت زيوتها وانتي قمتي وحطيتي فوقها زيوت شنو توقعين بيصير؟ خنقتي فروة شعرج ولا استفاديتي من خواص الزيت
تحملي تغطين شعرج ببلاستك ولا تنامين فيه عقب ماتدهنينه لبسي الكاب اللي من نفس قطعة الفوط اتوقع اتعرفونه وهوي شعرج كل ساعه ورجعي لبسيه واظن لاحظتو ان اذا تحكرون شعركم وبعدين تشيلون الكيس تحسون بدوخه او بظغط جنج راكبه طياره ههههههههههه
لما تدهنين شعرج قسميه كأنه بتستشورينه ودهني كل جزء لحاله مع مساج خفيف وابتدي (بسم الله الرحمن الرحيم) و( بسم الله لا يضر مع اسمه شي في الارض ولا في السماء وهو السميع العليم) وكرريها وانتي تدهنين شعرج وذكري الله سبحي وكبري وحمدي يعني ذكري الله لين تخلصين
اذا بتغسلين شعرج نصيحتي لاتغسلين شعرج تحت الدوش دايركت لااا عشان لاينزل الدهن على ظهرج وجسمج وبعدين يطلع لج حبوب اذا كانت بشرتج دهنيه انا اغسل شعري اول شي على المغسله وبعدين تحت الشاور
انا قصيت شعري (مو لازم وايد يكفي انش او اثنين) أهم شي تخلصي من الجزء المتقصف اذا كان شعرج متقصف عشان يستفيد اكثر وابتديت بهالبرنامج والحمدلله الحمدلله أحمدك ياربي التساقط وقف مع بداية استخدام هالزيوت ومو مصدقه ان من اول اسبوع لاحظت النتيجه واللحين انا في نهاية الاسبوع الثالث وماصبرت اكثر ودي كل وحده فهالمنتدى عانت من التساقط تستفيد وتبتدي بهالبرنامج
أهم شي
لاتنسون تصدقوا لو بالقليل بنية ان الله يبارك لج في شعرج وارقي نفسج وبإذن الله التساقط بيوقف
واذا انتي عندج نقص او أي شي ينقص غذائج من داخل تر الزيوت وحدها مو كافية اذا ماكان غذائج سليم ومتنوع
عشان تحمين بشرتج من الزيت اللي ممكن يطلع لج حبوب في كل مره بعد ماتغطين شعرج اخذي قطنه ومسحي ويهج وخاصه الجبهه بالاسكانول او التونك مالج عشان لايطلع لج حبوب خاصه للي بشرتهم مختلطه ودهنيه وبعدين غسلي ويهج بالماي
وسامحوني كثرت عليكم بالكلام بس مابغيت انسى شي من تجربتي ممكن يفيدكم لو بشي بسيط
لا تنسوني بداعئكم
اختكم
يحفظك ربي
:26:
خلطتي العجيبة لاتفوتج
7
7
7
http://forum.hawaaworld.com/showthread.php?t=1430771
والله يعطيك العافية