كل عام وانتم بالف خير يارب وعيدكم مبارك يارب يابنوتات حواء غصب بصغركم ترا الحريم يحبون المدح
المهم بخوش دوغري بالمووووووضوع
انا من عرفت هالمنتدى وكثير تغيرت اشياء بحياتي من تزوجت وانا احس اني غشيمه جدا ودايم ادق على امي اذا ماعرفت شي ازعجت امي بتلفون يمااااااااااااااااااااااااااااا وش اسوي يماااااااااااااااا كيف الطبخه الفلانيه المهم امي من جد ندمت شكلها انها زوجتني حست اني رفله يوم وحده من بنات عمتي لب قلبها دلتني على هالمنتدى ومن عرفتتتتتتتته وانا 365 درجه تغيرت حياتي الزبده مو هنا الزبيده اني بقولكم على التجارب الي استفدت بعض منها واتمنى مايكون موضوعي يستفاد منه يعني نفيد بعض بتجارب الي يكتبونها البنات
طبعا انا جربت طريقة وحده هنا مااعرف اسمها ومره انقذتني احيانا يخلص البخور من البيت واتورط وقريت طريقه من بعدها استغنيت عن بخور البيت تخيلو اذا سويتها يقعد بيتي اسبوع ماتروح الريحه الا اذا طبخت مع الحمس تروح وهاذا شي بديهي انها تروح مع الحمس انا عندي زيوت عطريه ومن زمان قاعده بحلقي زي زهور الريف قمت وجبت قدر صغير وصبيت ربع العلبه زيت معطر
مع كمفورت وخلطته مع موي ولعت عليه النار ولما غلا الموي قصرت عليه وفاحت الريحه بكل البيت
تخيلو بيتي دورين والله وصل للغرف وانبسطت على التجربه وصرت بعد الغدا اولع عليه بنار والقدر مااكب المويه اذا خلص لا كل مانقصت المويه زدت عليه والعطر مايطير ابد يبقى لمدة شهر استخدام على فكره انشالله انكم فهمتو الطريقه
وحاجه علمتني عليها اختي لما سالتها عن سر بشرتها وشعرها مشالله تحسين وجهها فيه نضاره وشعرها كثير وقلت لها وش تسوين قالت الفاكهه الي بالبيت تخنز بالثلاجه ومحد ياكلها صح قلت والله كنك داريه مايكلها الا شغالتي والله مااعرف منظرها حتى لاني انسا ان في بيتي فاكهه قالت القعده الي انتي تقعدين فيها انتي وزوجك وعيالك حطي صحن فاكهه ووصي شغالتك تحطها بصحن حلو وتغسلها وتخليها بالثلاجه اذا شافتك قعدتي انتي وعيالك بالصاله طيران تجيبه وصرت دايم اوصي شغالتي ومن زود السنع الي فيني حطيت معه صحن خضره امريكي مثلا كراث خيار جرجير خس جزر والله من سويتها صارو عيالي ياكلون هالفاكهه والخضرا بدال ماكانت تعفن بالثلاجه مشاللله احس وجهي كله نضاره خاصه من البرتقال لما عرفت الفياتمين سي حلو للبشره قلت يابنت الله اللله بالبرتقال وعلى فكره جربوها واستمرو عليها بعد شهر وطلو على وجيهكم وشعوركم بالمرايه ودعولي وبلاش اكل من الحلويات الي خلتنا ندور بالسوق مانلقا مقاسات وعوضوها بفايده افضل
المهم احس اني صجييييييييييييت روسكم عاد لاتبخلون علينا بنصايح والتجارب والفوايد الي تفيدنا كلنا كل وحده تطلع همتها وتكتب والي عجازه ماترد ترفع الموضوع ياحلوين وترا عندي تجارب كثيره بس ارتاح شوي من الكتابه واكتب الي عندي
يلزم عليك تسجيل الدخول أولًا لكتابة تعليق.
الصفحة الأخيرة
صادقه الفواكه والخضار ننسى ناكلها بس لو اعتمدتيها عاااااده ماراح تبطلينها
وفكرة القدر >> الفواحه ههههه اعجبتني شكلي بطبقها