السلام عليكن ياحلوات
مالي بالمقدمات..بس شعري كاااااااااااااااااااااااان طويل وسميك وصحي وكثير بس أجعد:laugh2:
وكانت أمي الله يشفيها مهتمة فيه كل اسبوع حنا والزيت شبه يومي
ولمن انتقلت المهام ليه بدا خراااب شعري ودماره
تركت الحنا والزيت بس مازال شعري محافظ على قوته لكن اللمعان والليونة راحت
كنت أقصه ولا يجي الحول إلا وهو راجع أطول مما كان
تعلمت للاستشوار ولا رحمته:surprised
رجعت استخدم زيت الجرجير فقط مرة بالاسبوع ورجع لشعري روعته كنت استشور مرتين بالاسبوع ولا يبان فيه أثر الدمار بسبب الجرجير
وبعدين تزوجت وبديت بالصبغات ياكافي
والحمل والولادة
والتوتر النفسي بسبب كثرة المسؤليات:o
ومن هنا بديت أودع بصدق نعمة الشعر الرائع ولو إنه أجعد
كانت أكبر شباصة بالقوة تمسك شعري
والآن أصغر شباصة تزلق من شعري مو من نعومة لا من قلته
الكل لاحظ والكل يسأل لأن كان فيه كثر رهييييييييب سبحان الله
عاد أذكر وحدة كانت تقول شعرك ما تأثر فيه الصبغة قصدها من كثره
ولا توقعت في يوم إني أبكي على شعري
والله حتى زوجي زعلان ويقول لازم تهتمين فيه ولا عاد تصبغين
طبعاً بعد هذا كله بديت مشوار جديد للعناية بشعري
وأول خطوة زينتها وحبيت تستفيدون منها مثل ما استفدت بخاخ لشعري
المتزوجة صعب تسوي برنامج للعناية إلا وتحط ببالها سالفة الريحة
فبديت حاليا بشغلة بسيطة ولعلكم تستفيدون منها
قبضة اليد ميرامية
ملعقتين زعتر
وملعقتين اكليل الجبل
غسلتهم وحطيتهم بقدر ونقعتهم بموية مغلية ثلاث ساعات وبعد مابرد حطيتهم ببخاخ فاضي
وكل ليلة قبل ما أنام أبخ على شعري من الجذور للأطراف واسوي مساج خفيف
الريحة رووووعة والنتيجة أروع
طبعا أنا حاسة بتغير بس النتيجة ماراح تبان إلا تقريباً بعد فترة لأن اللي حولي مالاحظوا للآن
بس أنا متفائلة إن النتيجة راح تكون رائعة:icon28:
طبعاً هذا كله بعد قص التالف من أطراف الشعر
وأسبوعياً أستخدم الحنا مع زبادي وزيت السمسم وخوا جوا عشان اللون بس
وإن شاء الله يفرحني ربي مع نهاية الشهر الكريم بشعر رااااائع وأخواتي المسلمات
وتكفون خواتي ادعوا لي ربي يبارك لي بوقتي وأخلص أموري
وإذا فيه شي يفيدني بدون ريحة اسدحوه هنيا:heart:
يلزم عليك تسجيل الدخول أولًا لكتابة تعليق.
ما شاء الله الله يبارك لك في شعرك ووقتك وكل ما عندك
يسلموووووووو الله يعطيك العافية
يسلموووووووو الله يعطيك العافية
الصفحة الأخيرة
سبحانك اللهم وبحمدك اشهد ان لا اله الاانت استغفرك اللهم واتوب اليك