سلاتونه ..... ممكن تشيلين الطرحه لو كنتي حاطتها وانتي تقرين ردي :)

شلتيها طيب

أبي اقول الخوات كفو ووفوا معاكي لكن عندي كم ملاحظه
أول شي قولي الحمد لله ثاني شي انتي اذا خليتي الطرحه طول اليوم عليك الشعر خلالالاص راح يتعب كذا ( لانه مايتنفس مافي اوكسجين والله جد أتكلم وراح يتساقط اكثر ) حاولي تثقين بنفسك أختي وتشيلينها واستمري على معالجتك له ... بس ياريت تراجعين دكتور وباذن الله راح تلقين الحل ... لكن انك تجلسين وبس وحاطه الطرحه ومكدره حالك مايصير كذا والله
في وصفه اكتبتها الاخت ( ثوم مع زيت تسخنينهم خفيف وبعدين سوي تدليك ناعم لشعرك ولفيه بكاب بلاستيك ... ويارب تستفيدين

الاهم ودي أعرف هل استفدتي من الردود؟ او لسه الطرحه موجوده

توكلي على الله وابدي برنامج علاج مكثف لشعرك وانشاء الله راح يرجع كثيف ( بس هالله الله بالمواظبه ) انفضي عن نفسك التعب والاحباط اللي واضح من كلامك

اسال الله العظيم رب العرش العظيم ان يفرج همك ... وترجعين ورده مفتحه مليانه سعاده ...

ربي يجملك في عين زوجك ويسخره لك

تكفين بشرينا بالتطورات ... :)

ولا يصير خاطرك الا طيب ... ابتسمي يالله :)

بالنسبة للشعر عليك بالمعاجة الطبية الموثوقة بعد ركعتي إستخارة و دعاء و توكل على الله تعالى

و بالنسبة لك أنت أقول يا أخيتي الغالية خليك قوية و انتصري على نفسك و قد أخبرنا رسول الله صلى الله عليه و سلم بأن المؤمن القوي خير من المؤمن الضعيف و في كل خير !! فعليك بالدعاء و بركعتي السحر ( التهجد ) !! وفقك الله

الله يفرج همك ويريح نفسيتك اختى والله انا حسيت فيك لانى مثلك كا ن شعرى كثف ونا عم واسود ويلمع لاحضى كان فعل ما ضى لان العين قضت علية المهم اختى اذ كان شعرك حلو وتغير علعليك با لر قية لا تتا خرين الله يشفينا ومر ضى المسلمين

ياحبيبتي ياسلاتونة
انتي مشكلتك حلها في ايدك انتي بإصرارك وعزيمتك على التغيير للأحسن انشالله وحطي في بالك انه مافي انسان كامل والكمال لله عز وجل يعني الناس راح يعيبوا على شعرك ليه
؟؟
مافي احد كامل حبيبتي مثلا فيه وحدة شعرها كثير بس يكون خشن اذا كان شعرها ناعم امكن يكون جسمها موحلو وهكذا بس كل وحدة اذا حست بالنقص في شي معين تحاول تعوضه في جهة ثانية وبعدين انتي بنفسك قلتي انه تحسن الحمدلله شويه استمري على استعمال الاشياء الطبيعية واهتمي فيه واهتمي بمظهرك واناقتك وحاولي تبدأي شوية شوية زي ماقالوا البنات وانشالله انك تقدري وتتغلبي على هذي المشكلة البسيطة والله يوفقك حبيبتي

ابشركم يابنات انا بديت اشيل الطرحة بس الله لا يوريكن اول ماشلتها قعدت ابكي وحالتي صارت حالة اكتئاب يومين ولا اكل ولا كلام نفسيتي صارت زفت بس بعدين فرقت هذيك القصة على جنب والله لايوريكن شوراع وحواري في شعري .
لكن الحمد لله الفراغات اتغطت نوعاً ما وابليس قالي وع وع وع وع على ايش شايلة الطرحة
وماصدقت ورحت لبستها ثاني .
والبارحة تحديت نفسي وقلت انا ماراح افضل كذا على طول والله يابنات إني اشوف نفسي احسن من غيري بس مادري شيطاني قوي وعرف يتقلب علي لكن ماكملت السالفة البارحة شلت الطرحة مرة ثانية وقمت اذكر نفسي بأن في شعور اكثر مني بس اصحابها معتزة فيها
وفرقت لك الغرة على جنب وكل شوي الله لا يبلانا مقابلة المراية ونمت لأول مرة يابنات من سنه مع زوجي وأنا ماني حاطة الطرحة لكن في تردد في نفسي لحد الحين وادعولي استمر على كذا واهم شي افكها في محل عملي ادعولي كل ماتذكرتوا مشكلتي وإن الله يفرجها لي
الشكر الحار لكن اخواتي وجزاكن ألف خير .
لا تنسوني من الدعاء .
تحياااااااااااااااااتي