البنت : ماما .. هو فين ربنا ؟؟
الام : ربنا فوق خالص .. فوق السماء
البنت : هو شايفنا ؟؟
الام : طبعا شايفنا ..
البنت: ازاى شايفنا يا ماما، وهو فوق خالص خالص ؟؟
الام : هاعطيكى مثال ..
النمله اللى انتى شايفاها عندها عين .. صح؟؟؟
البنت : ايوه !!!
الام : مين بيشوف اكتر انتى ولا النمله ؟؟؟
البنت : انا طبعا ..
الام : شوفتى انتى عندك عين وهى عندها عين
لكن قدرتك على الابصار افضل واعم منها ..صح ؟؟
البنت : صح يا ماما ..
الام : قدرة ربنا على الرؤيه غير قدرتنا احنا
عشان كده هو شايف كل حاجه بنعملها
وكمان سامع كل حاجه بنقولها
لان بردة
زى ما قدرتك فى السمع والبصر والقوة
اقوى من النمله ...
ربنا كمان اللى هو اكبر حاجه واعلى حاجه
اسمع من اى شىء
وابصر من اى شىء
واقوى من اى شىء ...
وهذا شرح مبسط الى صفات الرحمن
السميع البصير القوى ...
تابعونى
^^^^^^^^^^^
يبقى ابوه كمان اكبر منه ؟؟
الام : لاء يا حبيبتى .. ما فيش اب ولا ام ولا اولاد كمان..
مش ربنا قال فى سورة الاخلاص :
قل هو الله احد ... يعنى واحد بس
وقال .. لم يلد .. يعنى ما بيولدش ولا عنده اولاد
وقال .. ولم يولد ... يعنى ما تولدش ولا عنده ماما او بابا
ولم يكن له كفوا احد ... يعنى ما فيش حد زيه (مثله ) ولا هو ينفع يكون زينا(مثلنا)
هاتلاقى ربنا غيرنا خالص فى كل شىء
هاتلاقى ربنا ده هو الله اللى ماينفعش حد يكون زيه
او يقدر يعرفه بصورة كامله ..
البنت : يعنى احنا ليه مش بنشوفه ؟؟
الام : لان ربنا شكله ما نقدرش نقدر عليه
ربنا ياحبيبتى نور فى نور
عقلنا فى الدنيا وعينا فى الدنيا
ما تقدرش عليه
ممكن نتحرق من شدة نوره
لكن فى الجنه لاء
ربنا بيدينا نور فى وجهنا
وبيخلقنا بطريق تانيه
نقدر نشوفوه وقتها ..
لكن فى الدنيا.. لاء ..
ما نقدرش ..
هناك المزيد ،،
لمن تريد،،
^^^^^^^^^^