سألت الدكتور ..وقال...

اول شيء السلام عليكم جميعا...........
انا مثلكم في ها المنتدى وفي ها القسم وحده من الدبدوبات اللي تبي تنحف بأذن الله من دون هم ولا مرض ولا حزن بأذن الله............
وما بقى شيء ما جربته ومليت من كوني فأر تجارب ومن كوني دبه ومن كل شيء.:09:
جربت الرجيم الكيميائي..........ورجيم انواع الجسم ورجيم فصائل الدم
ومليت ابدا بالرجيم 3-4 ايام واوقف لان بصراحه هذي ماهي عيشه
ملــــــــــــــــــــــــيـــــــــــــــــــت...
وبالمختصر المفيد رحت عند استشاري تغذيه دكتور من جامعة المك سعود كان سمعتو فيه اسمه رشود الشقراوي عنده مركز متخصص وسويت تحاليل وقياسات للدهون والعضل والسوائلووالغده والكلسترول ووظائف الكبد والكلى
يعني تقييم للحاله الصحيه كاملهودخلت بعدها على الدكتور رشود وقال لي اهم شيء لازم
1- تعلقين على المرايه بخط كبير وش اهدافك من النحافه يعني ليش تبين تنحفين وخليها قدام عيونك كل يوم
2- عطاني جدول اكتب فيه كل شيء اكله كل يوم وجدول لاي مجهود ابذله واسجل فيه يوميا
3- قال اهم شيء لا تجوعين نسك اي وقت تجوعين فيه كلي اما زبادي منزوع الدسم اوحليب او لبن منزوع الدسم بيض مسلوق علبة تونه ما يضر
4-اشربي الصبح على الريق ما بين الساعه4-7 كأسين ماء دافيء على الريق ومعهم ملعقة خل تفاح واللي ما يقدر يبدلها بليمونه معصوره
لان هذا يحرق الدهون ويسرع بعملية الايض اللي هي حرق الدهون
4-يكفي عمل الرياضه3 مرات بالاسبوع مثل المشي او السباحه افضل شيء ويكفي نصف ساعه
5- حطي في عين الاعتبار ان هذا مو رجيم بل نظام راح تعيشين فيه مدى الحياة مافيه لا حرمان ولا جوع لكن فيه اختيار الكم والكيف
6-برنامج الرجيم فيه يوم مفتوح بس بحدود
7-اهم شيء عدم الاحساس بالذنب اذا رحتي عزيمه وخربطتي شوي لانك انسان والانسان ضعيف احيانا ما يقدر يقاوموعادي بكره ارجع لنظامك ولا كأنه صار شيء

وسألت الدكتور وقلت له انا فصيلة دمي o+
ما ينفع لي كثير اشياء
قال حكاية فصائل الدم مجرد دراسه لم تثبت صحتها او خطائها والجسم يختلف في ناس يناسبهم اكل وناس لا وهم من نفس الفصيله والانسان خصيم نفسه يشوف اللي يناسبه واللي ما يناسبه من تجاربه
وبس حبيت افيدكم بهذي المعلومات واللي عندها اي استفسار انا حاضره:)