سألوها ماسبب طلاق فلانه..؟؟قالت ..سوت شي كبيييييير ماينغفر له..

بسم الله الرحمن الرحيم
السلام عليكم ورحمة الله وبركاته وبعد...
غالياتي بنات قسم حياة اسرية سعيدة ...مادري وشلون أبدأ ...:mad:
بس حسبي الله على كل وحدة افترت على أي إنسان بدون علم وكلامي هذا موجه لكل وحدة تستهين بأعراض الناس ...هذة أعراض والله حرام ...شي يقشعر له البدن..
من تتطلق الوحدة يطلعو فيها الف عيب..وأحيانا يفترون عليها بأشياء مو صحيحة كلن يبررر لنفسة ويبني حياته على أنقاض حياة ثانية ...
أنا مو مطلقة ولو ربي قدر وتطلقت أول دعوة بدعيها أن الله يكفيني شر ألسنة الناس
ياما بنات انقطعت ارزاقهم من كلمة تافهه طلعت من لسان وحدة ما تخاف الله ..
مين قال أن المطلقة غير مرغوبة ..
مين قال أن المطلقة ماتتزوج ...ومستحيل أحد يتزوج مطلقة...
إيش فيها المطلقة مومرت بتجربة فاشلة وممكن تكون أحسن من اللي ماتزوجت بحيث هي اخذت خبرة من تجربتها وبتعامل زوجها الجديد بأحسن معاملة ..
حسبي الله ونعم الوكيل... وحدة ما أعرفها تزوجت بسن 16 سنة وتطلقت بسن 18 سنة وعندها ولد ..وزوجها تزوج وحدة عمرها 16 سنة وكنت أسمع السالفة هذه وأنا جالسة عند وحدة من قريباتي ..الا وحدة من الحريم تسال اخت الولد اللي طلق ...إيش سبب الطلاااااق؟؟؟
تتوقعون إيش قالت ...







قالت ....البنت سوت شي كبير ماينغفر له... ولما ألحوا يبون يعرفون...قالت لا ماقدر اقول بس هو شي كبير كبير..
طبعا كلن جال بخاطرة ماشاء من الاسباب ...


طيب حتى لو فرضنا انها كذالك ...مو حرام تقطع نصيب المسكينة ...يمكن تابت وصارت أحسن من أول ...ليه تشوه سمعتها ..لا وبالباطل..لأن البنت لما سمعت باللي انقال عليها انهارت وأمها وأبوها سوو مشكلة بعد الكلام اللي انقال وطلع السبب الحقيقي وراء اطلاق أنها طالبت ببيت مستقل ولما رفض الزوج ذهبت لبيت أهلها ..وقالت له ماني راجعة الا لبيت لحالي...فطلقها غيابيا وأشترى بيت وتزوج من الثانية ليغيظ الأولى لا وأخذ ولدها منها... شوفتو كيف السالفة ؟؟
ولما واجهت المرأة بنفسي وقلت لها ليش تقولين ان البنت سوت شي كبير وهي بس طلبت بيت لوحدها..؟؟؟
قالت اي ..الشي الكبير اللي سوته انها طلعت لأهلها بدون أذن زوجها..؟؟؟؟
الله وأكبر سبحان الله لها الدرجة تهاونت بأعراض الناس ...ترى الظلم ظلمات ياجماعة...طبعا هذا نقطه من بحر ماأسمع ..والان البنت مطلقة عمرها 22 سنة مثل الوردة الذبلانه بعد ماكت مضرب الجمال في عائلتها ...




كل اللي أبي أقوله أتقو اعراض الناس...وكما تدين تدان..
قبل فترة جات وحدة تخطب أختي لولدها .واختي عمرها 17 سنة وسبحان الله ارتحنا لها وارتاحت لنا والمرة هذه مرة كبيرة بالسن..ولما دخلنا بالتفاصيل..طلع ان ولدها مطلق وعمره 33 سنة وعنده ولدين.. وماعنده وظيفة وساكن عند أمه طبعا كلها اسباتب تدعو للرفض..
بس أمي ماحبت تجرحها فقالت اشاور البنت ونعطيك خبر ..
المهم ابوي رفض لأن فرق السن كبير ..ولما جات أمي بتكلمها كل عماتي وخالاتي قالولها قولي لها ماناخذ مطلق ..بس امي رفضت وقالت لا مايجوز أكسر نفس المسكينة وهي جاية لين باب بيتي ..وممكن واحد من عيالي يطلق في يوم وماأتمنى وحدة تجرحني بولدي (((ليت كل الناس مثلك ياأمي))
وطبعت كلمتها وتفهمت الحرمة ودليناهم على ناس بناتهم كبار وصار النصيب عندهم...


اللي أبي أوصله كماتدين تدان والواحد بيحصد عملة...
وانا حيي كل مطلقة صامدة ضد كلام المجتمع القاسي ...