السلام عليكم ورحمة الله وبركاته...
هذي أول مشاركه لي في أقسام الطبخ>>>>وحده عجااازه أغلب أكلها من برا خخخخ
الحقيقه ياحلوات قبل شوي وبعد مانيمت عيالي عشان بكره المدارس يصحوا بدري وشبعانين نوم
جيت بأحط راسي وأنوم..ألا يستقعد لي ولدي الصغير الله يصلحه عمره شهرين ويكنس نوم بالنهار وفي الليل
يصحصح..المهم جلست أنا وياه نتفرج عالتلفزيون حوالي ساعه ألا وأحس بالجوووع
مع أني متعشيه الساعه سبع مع عيالي بس خبركم بليل البرد يجوع الواحد>>>>أخلصي علينا بتجيبين قصة
حياتك...المهم مالكم بالطويله قلت وش أسوي ذلحين في ذاالليل؟؟أبي شي سريييييييييع
ألا وأتذكر طريقه قريتها هنا لوحده من البنات والله ماأذكر أسمهاالله يجزاها خير وهي كالآتي.....
قطعت نص بصله ونص فليفله وحطيتهم مع ملعقتين زيت عالنار وجبت نقانق(هوت دوق) وقطعته شرائح صغيره
وحطيته فوق البصل وحركته شوي يمكن دقيقتين ..وبعدين حطيت فوقهم جبن شرائح ثلاث حبات..
وقلبتهم مع بعض دقيقه أو أقل وطفيت النار..وأضفت شوية بقدونس مفروم ..
وحشيته بالصامولي وسويت معه كاس عصير برتقال فريش..بسسسسس بصراحه,,ساند ويتشات روووووعه
ولذيذه وتشبع ,,,جربوها يابنات والله لذيذه وماتاخذ وقت ,وبسرعه تجهز..وتنفع لمن تكونين جوعانه ومالك خلق
تسوين شي هههههه,,,وسلامتكم....
× فنجان قهوة × @fngan_kho_1
محررة ماسية
يلزم عليك تسجيل الدخول أولًا لكتابة تعليق.
احب الاكلات السريعه يسلمو يالغلا ويعطيك العافيه:26:احب الاكلات السريعه يسلمو يالغلا ويعطيك العافيه:26:
الله يسلمك حبيبتي,,ويجبر بخاطرك ويعافيك أن شاءالله,,مشكوره عالرد..
الله يسلمك ياعمري,,تشرفت بمرورك,,وردك أخجلني’’عسى الله يسعدك حبيبتي..
الصفحة الأخيرة
لييييش ماأعجبكم موضوعي عشان مافيه صور؟؟ولا عشان موب حلو,,في كل الحالات ردوا لو مجامله
مثل شكرا ويسلموا :42:وهيك,,عشان أتشجع وأنزل لكم طبخات حلوه وجديده وبا لصور كمان:p
ولا ترى أهج ولا عاد أدخل قسمكم يالطباخات ,,,يالله أنتضر الردود الحلوه أهئ أهئ...