اسفه تاخرت بالرد
اكيد الحين اكلتي خبز الرقاق مو محتاجتني
مثل ما وضحت لك الاخت الحزينه بس النار في البدايه تكون عاليه ولازم الصاج يكون سااااااخن
وبعدين توطين النار عليها للوسط علشان ما تتحترق من غير ماتستوي
ونوع العجينه هي اثقل من عجينة اللقيمات علشان تقدرين تتحكمين فيها
لانها لو سائله بتتطلع معك الخبزه ثخينه مره كل ما ثقلتي العجينه بشرط انها تمشي معك
بسهوله على الصاج كل ما طلع خبزك خفيف ومقرمش
واذا طلع فيها عجين زاييد بطرف (((( المقشاره)) قطاعة الحلى شيليه من
غير ما تخرمين خبزتك
وانا معك لييين يطلع خبزك يضرب فيه المثل
وتحت امرك
الصفحة الأخيرة
العجينة بتكون ثخن عجينة اللقيمات ومو مشكلة لو خبزتيها على طول بس التخمير أفضل علشان العجينة تتماسك مع بعضها وتصير الخبزة ناعمة
مثل ما قالت الأخت هي صعبة بس بالشريط أو بغلاف مفتاح الكهرباء تحاولين لما تحطي العجينة على الصاج تكون النار حامية وبسرعة تحركي العجينة بالشريط بحيث إنك ما تخلي يبقى عجين كثير في الصاج يعني كأنك تحكي الصاج علشان تكون رقيقة جدا ولما تبدا العجينة تنشف ممكن بواسطة سكين تزال القطع الزاءدة منها بحكها
وسلامتك