شوفي حبيبتي
أنا أمي قالت لي كلمة ريحتني نفسياً
قالتلي لا تقارني أبداً أبداً بين وضعك قبل الأولاد وبعد
لازم تتكيفي على الوضع الجديد وتخففي عمن نفسك مقاييس النظافة العالية الي كنتي ملتزمة بها قبل الأطفال
وحاولي تبدأي بالأهم قبل المهم

واستعيني بالله ولا تنسي التسبيحات

نفس المشكلة ربنا يعينا جميعا.

الله يعينك الحال من بعضه
حاولي تسوي لك جدول

الطفل ع ماتعوديه

تعوديه ع الشيل مرآح يفاااارقكـ ..

بيلصق فيك ...
ولا يحب جلسه الأرض لازم تشيليه ..


ياحبيبتي اعرف وحده عندها طفلين وتدرس وكلهم صغار

تقولي : احبسهم بالسرير وكلها اسبوع صياح
ثم يتعودون عاااااااادي..

وكل فتره اغير لهم الألعاب .. عشان مايملون منها

بس اطلعه اغير له الحفاظة .. واوكله وارجعه فيهآ ..

ولاخلصت شغلي طلعته ولعبت معآه ..

...

عووودي اولادك ..

ونظمي نوومهم لازم لازم ..

وخلي اكلهم بوقت واحد تجلسي ساعه تأكلهيم كلهم وخلاص تحبسي الصغير وقت شغلك واللي 3 سنين ,, ع التي في ..
...

ووقت النوم مو لازم تكوني معاه ..
عودية ينام لحاله

يبكي يبكي لحد ما يدوخ ويرقد .. وبعدين بيتعود ينام لحاله




اما انك تدلعيهم ..

ثم تبغينهم يتركونك لحالك

انسي مرآآ

والاجانب ما يدلعو عيالهم زييناا كل ماصار شلناه ..

خليه يصيح طلما اكلتيه وغيرتي له ..

ماعليه قصوووور بإذن الله

ع كذآ طول حياتك ملاحقه وراهم ..

وياااااااارب يعين الأمهاآت

حبيبتي انا عندي ولد واحد بس والحمدلله حامل بالشهر الثامن يعني الثاني عالطريق لكن والله زوجي مثل الطفل بعد حواااااس
طبعا التنظيف ما اخصص له وقت مثل الحريم الي هنا ماشاء الله هممهم عاليه عندك مثلا غرفة ولدي وانا العبه ارتب سريره ويكون معي مناديل ديتول المعقم وحنا نلعب امسح السرير والطاولات والكراسي وكل شي عالماشي علمته يلم العابه والتكنيس اذا شي على خفيف جبت الحواقه والمكنسة الخشب وكنست وبس
والمطبخ الله يجززاها خير وحده من لعضوات عطتني فكرة الطشت والله فعلا بس اسبع المها بطشت كبير احط فيه مويه حاره وكلور وفيري واخليها الين افضى وغالبا بعد ما ينام ولدي وابوه اجي اعسلها القاها ما تاخذ معي وقت لانها منقعه من اول والاسطح ماعاد استخدم غير مناديل ديتول اسحب كم منديل وامسح بسرعه واعبي الطشت مويه حاره وكلور والعملاق واكب عالارضية واخليها ثم ارجع اشطف بس والقا الارضيه تلمع ترا الشغله ماتحتاج دعك وفرك مثل ما يبان في اكثر المواضيع والله اني احيانا وانا جالسة مع زوجي اتقهوى اسحب كم منديل من ديتول وامشي عالرفوف والتحف تمسيح وهو ماراح يلاحظ لاني قاعده اسولف معاه ومعطيته جوه
والاهتمام بالنفس حبيبتي ترا ما يبغالها شي حطي بالحمام وانتي بكرامة مرطب وكحله واحمر خدود ومحدد حواجب وكل الكريمات حقتك حطيها بالحمام والعطور بعد اختاري كم واحد وحطية هناك والفرشة والاستشوار ادخلي الحمام تروشي تدهني ومشطي شعرك وتمكيجي وتعطري واطلعي ما بياخذ منك وقت
والمضاربة الي تصير بين الاطفال عادي جدا انا اشوف خواتي عندهم شغالات وعيالهم في حرب دايم شي طبيعي جدا
فلا تخصصين وقت للتنظيف نظفي على اوقات متقطعه من اليوم شوي تمسيح وشوي تكنيس وشوي غسل وتنظيف ارضيه وهكذاااا حتى غسل الملابس لاتخصصين له يوم انا عن نفسي الم ملابس ولدي اغسلها بيوم ويوم ثاني بس مناشف ويوم ثالث بس ملابس داخليه ويوم بس ثياب زوجي وهككذاااااااا
وترا العمر يخلص والشغل ما يخلص مو لازم ندفن نفسنا عشان بيوتنا تصير على اكمل وجه
الله يعيننا وياكم على طاعته