اختي انتبهي انتبهي الله يهديك

السلام عليكم و رحمة الله و بركاته ..

أختي عطاء بلا حدود ..

أول شي خطوبة ولا ملكة ؟؟

إذا ملكة .. حلالك .. بس أنتبهي و لا تتمادي ..

و إذا خطبة .. فقبل ما تخافي من أي شي ..
و من البرود .. و ضياع طعم الفرح ..
خــــافـــــي مــــن الـــــلــــــــــــــــــــــــــه !!
لأنه إللي بتسووه حرام ثم حرام ثم حرام !!
و إنتي مانتي حلاله ..
و إن كان قريبك !!
أيش يعني ؟؟
بالعكس مصيبة أكبر !!
و بعدين حتصغري في عينه !!
و حيستحقرك !!
و يمكن كمان يسيبك و يبطل من الخطبة !!
لأنه خلاص أخد إللي يبغاه منك !!
و يمكن يكون بيختبر أخلاقك !!
يكفي إنك قابلتيه من وراء أهلك و خنتي أمانتهم !!
و هو خان البيت إللي ساكن فيه .. و خان أهل البيت !!
و إنتي إللي سمحتيله بكدة !!

و إذا أتزوجتيه .. و سارت بينك و بينه مشكلة ..
لا قدر الله ..
و جيتي تهدديه بأهلك ..
شوفي الذل إللي حيذلك هو !!
و المعايرة بأهلك إللي حيعايرك هي !!
و إنتي إللي صغرتي نفسك و رخصتيها في عينه !!

معليش لا تزعلي من كلامي ..
لكن أنا بأتكلم لمصلحتك ..
و الدنيا غدارة .. و الرجال مالهم أمان !!
ألين تسيري زوجته في بيته ..
بعد كدة سوي إللي تبغيه ..
و دحين الشيطان محلي لك الموضوع و محسسك
بأحاسيس مختلطة وكلها غلط ..
لكن الحلال غير يا بنت الناس !!

الله يهديكي و يصلحك و يزوجك :) ..


تحياتي ..
جـــــــــداويــــــــــــة ..

ما قصروا اخواتي ..

المهم انك تأخذي بنصايحهم وتنتبهي لما يقولونه

جزاكم الله خير يابنات والله احس اني نفسي ابكي
بالنسبة لي ترى انا ملكة وكاتبين العقد وترى ماوصلنا لحد المعشرة الزوجية
واخوي اذا كشفني انا وياه قاعدين مع بعض ما يقول شي هذا الي الي طمني
والان يا بنات كيف اذا قابلتة وش اقولة وش اسوي الي همني و خايفة اني اقل في عينه على اني ما قد حسيت في هذا الشئ