سؤااااااااال محرج .. يخص الزوج

السلام عليكم ...

عندي سؤال احس انه محرج :35: لكن ودي اعرف اجابته ... والسؤال يتعلق بالزوج

عن رائحة السائل المنوي ...

نعرف ان السائل المنوي له رائحه مميزه ... لكن هل قوة الرائحه او ضعفها دليل على سلامة الحيوانات المنويه ؟؟

انا اقصد بقوة الرائحه يعني تكون رائحتها نفاذه وقويه وبسرعة تقدر الزوجه شمها وما اقصد ان تكون رائحتها كريهه او غريبه... هل تدل على ان الحيوانات المنويه سليمه ؟؟؟
وهل ضعف الرائحه اي ان تكون عاديه غير نفاذه دليل على عدم سلامة الحيوانات المنويه ؟؟


سبب سؤالي ...:35:

انا عندي طفلين وبعد مانع دام خمس سنوات بغينا الحمل وما صار واتضح ان زوجي هو السبب صار لنا سنه وشوي :time:.. ومن شهر وشي زوجي سوى عملية الدوالي ... واللحين ياخذ علاجات ولما يكمل 3 شهور بيسوي تحليل ..
بس الي خلاني اسأل هالسؤال ... لاحظت هالايام ان رائحة السائل المنوي اقوى من قبل .. وتذكرت قبل ببداية حياتي الزوجيه لما كان زوجي سليم وماعنده اي مشكله تخص الانجاب كنت اشم رائحة السائل المنوي عند زوجي بنفس القوه ... وكنت ملاحظه في الفتره الي مرت وحنا نحاول الانجاب قلة الرائحه .. وبصراحه كنت فرحانه لاني ماكنت احب هالرائحه ... لكن لما صرت اشمها هالايام تذكرت قبل وقلت يمكن زوجي بدا يتحسن بعد عملية الدوالي واذا طلع استنتاجي صحيح خلاص :32: بحب هالرائحه مو مشكله لان ودي بنونو ... وجا ببالي هالسؤال الي فوق ..

ولما قلت الى زوجي عن استنتاجي :04: قال لي لا اكيد بسبب الادوية الي يستخدمها لان رائحتها قويه ..

شرايكم يابنات ...

الي زوجها يعاني من ضعف والي زوجها سليم ... ياليت تعطوني ارائكم وملاحظاتكم :27: