سؤاااال للخبيراااات في الكواية الكبس..افيدوني؟؟

مااحد عنده كبس��

شوفي يا طويلة العمر انا كان عند اهلي قبل زواجي قبل عشرين سنة كبس عادي نوع سنجر ولما تزوجت اهدوني اهلي زيه واستخدمته مدة عشر سنين ومن احسن ما يكون لين بديت بالشغالات خربته علي وحده منهن وحاولت اصلحه قالوا ماله تصليح لانه انقطعت ماركته والان لي شهر هجت شغالتي الحبشية قلت خلاص قضيت من الشغالات لازم اجهز بيتي باجهزة واترك هالشغالات عني ما دام بي صحة فاشتريت مكوى كبس بخار ماركة برنسيس رائع جدا جدا جدا من اكسترا ب ٨٠٠ ريال تكوين كوم ثياب بربع ساعة يختصر لك الوقت كثير طبعا ثياب العيال والابو السعودية عند الكواي لكن الملابس الداخلية لهم ولبس الخرجات من بناطيل جينز وتيشيرتات وبلايزي حقت المدرسة ولبس البيت كله اكويه بسرعة كبيرة جدا كبستين وتخلصين لكن انتبهي لامر تراالمكوى يحتاج في البداية لصبر لين تتعود يدك عليه وتكتسبين خبره مع كثر الممارسه لانك راح تتضايقين وتبلشين في البداية عند كوي البلايز عند الياقة ولكن مع الاستمرار راح تعرفين كيف تضبطينهن ولايحتاج لمكوى عادي لكوي المنطقة حول الياقة لاني قريت في المنتدى هالاسبوع وحده تسب مكوى الكبس وتقول لاغنى لك عن المكوى العادي لكن ااكد لك انك ما راح تحتاجيه مع الاستمرار والصبر في البداية نرجع للمكوى حجمه كبير جدا ويباع معه قاعده له سعرها ب١٦٠ريال بس ما انصحك بشرائها لانها رفيعة فلازم تكوين وانتي واقفة انا حاطته فوق طاولة مكتب خشبيه واجلس على كرسي وانا اكوي ومعلقة معلاق على الجدار قدامي على نفس مستوى المكوى ومعلق عليه علاقات فاكوي واعلق مباشرة وانا جالسة هذا شي وشي ثاني لازم تعرفين ان هذا المكوى مايطلع بخار الا اذا حطيتيه على درجة حرارة عالية على علامة cotton او linen واذا اخترتي العلامات اللي قبلهن تكون الحرارة ضعيفة فلا يطلع بخار انا صراحة احطه دائما على cotton واشغله والمس علامة القطن واتركه تقريبا لمدة عشر دقايق لانه يحتاج لوقت حتى يسخن واذا جهز ولعت علامة البخار والان اصبح جاهز للعمل انا دائما اشغله على علامة القطن لكل الملابس حتى يطلع بخار ولا يحتاج ارش الملابس بالماء فاوفر الوقت وهو له ضغاط عادي مثل اللمبه لفتحه لكن اختيار نوع الكوي هذا يكون باللمس لا تفوتينه انصح به وبشدددددددده فهو اكثر من رائع وبتدعين لي ودمتي اسفة على الاطالة

نسيت اقولك ان صناعته صينيه

ماشاءالله تبارك الله على الأخت حفصة ربي يحميها
ماخلت لي شئ أقوله كلامها مجرب وصحيح
بس أنا المكوى حقتي كانت لونا
ونصيحة خذي الحجم الكبير عملي أكثر من الصغير....

ياعمري ياحفصة الله يفرج همك ويرزقك ماتتمنين
شرح واضح ووافي
وفعلا الممارسة مطلوبة حتى اتقن الشغل عالجهاز بس يبيلها صبر وانا ماش أمل بسرررعة
تلقين المحاولة الثالثة ماانجحت خلاص اكنسل الموضوع خخخخخ
شكرااااا جزيلااااا لك ماقصرتي