حبيبتي الحين الوحده الوالد ( النفاس) لو تحللين عليها تطلع حامل الي مدة شهر يكون الهرمون بدمها لكن الصحيح مثل ما قالت اختي دانة اشيقر

اشلون التحليل الرقمي؟؟؟ ياليت اتشرحين لي عنه بلييز

حبيبتي

انت كم صار لك حامل؟؟

لان صديقتي قالوا لها حامل بعدين نزل عليها دم ...قالوا لها سقطت...

وبعدها حست بالام ببطنها ...

سويت تحليل هرمون الحمل وطلع لها حامل

واتضح بالاخير انها حامل بتوام ...واحد سقطت به والثاني خارج الرحم

ما ابغي اخوفك بس اقولك اللي اعرفه وانشالله خير

ويمكن توام نزل واحد وبقى الثاني ما تدرين


حبيبتي روحي لاي مركز تحليل عندنا في البحرين مثل مركز الخليج لتحليل وقولي لهم عن اسم الهرمون ويعطونك النتيجه بسرعه...لا تعتمدين على المركز الصحي انا قالوا لي بعد اسبوع النتيجه

حدها ستايل عمري انا في الشهر الثاني.. والله جننوني و تعبوني
كل مكان يقولون لي شي
رحت لدكتورة فكرية و قالت لي اصلا مافي كيس حمل و الجنين طاح خلاص
وعقب اسبوع رحت حق فوزية كمال و طلع البيبي
والله حالتي ماتسر عدو ولا حبيب..متحيرة و خايفة وماعرف وين اروح..
والغريب في السالفة ان لين كان ينزل علي دم و خف الدم فحصت والفحص كان خالي من الدم وطلع ان مافي حمل
وبعد ما وقف الدم خلاص طلع ان في حمل
فقلت انطر اسبوع على الاقل و افحص من جديد

اختي احسن شي تسوين تحليل دم رقمي و تشوفين نسبة الهرمون كم بالظبط ؟ و بعد يومين ترجعين تسوين تحليل ثاني و اذا شفتي الرقم في ارتفاع يعني الحمل سليم و أكيد بعده صغير او صار متأخر فمن جيه الكيس ما يبين او صغير او بعده مافيه نبض .... و اذا الهرمون في انخفاض يعني ان الحمل مش سليم يا اما الجنين ميت او ماشي جنين و الكيس فاضي ....
لا تستعيلين و لا تسوين تنظيف تأكدي من سلامة الجنين و طمنينا عليج اختي ... و يارب حملج سليم و ما فيه شي ........
و الله يتمم لج على خير