سؤال:فعلا هالسنة ماجددوا لاي بنت تعاقد على محو الأمية بالرياض؟

صباح الخير
العام وقبل العام كنت متعاقده على البند
وقبلها بثلاث سنوات كنت مدرسة بمدرسة اهلية
وهالسنة منطقه بالبيت(حسبي الله على من كان السبب)
والديوان مو راضي يوظفنا ولا يخلينا زي الناس
راح من عمري 6 سنوات بعد التخرج من غير امن ولا استقرار وظيفي
وهالسنة وبكل حقارة الغاء عقود جميع المتعاقدات بالرياض
ممكن سبب مقنع؟
قطع الاعناق ولاقطع الارزاق
درسنا 16 سنة لغرض العلم اولا ولغرض خدمة البلد والنفس ثانيا ولسد حاجتنا عن الناس
وبالاخير النتيجه ياتدرسين بمدرسة اهلية تنكرفين كرف الحمير واهانات وكنا شغالة مستقدمينك على حسابهم وبالاخير ان عطوك 1800 زين وان ماخذوا 200 ريال تامين بعد
او على مزاجهم يحطونك متعاقده مهانه مهدده بالطرد وبراتب 2500 انتي يالجامعية وبالصيف مالك راتب بعد ويخب عليك وبنلغي عقدك؟
ياناس ربي يمهل ولايهمل
فيه ناس فاتحه بيوت على هالراتب القليل ومايكفيها بس ساكته عشانه يسد حاجتها
تدرون ليه؟
لانك ماعندك وااسطه
بس انا اقول على لساني ولسان كل وحده محتاجه للوظيفه مثلي وضيعت عمرها بالدراسة لغرض انها تكون عضوه فعاله بالمجتمع تحس بكيانها وانها لها هدف بالحياة تسعى له
حسبي الله ونعم الوكيل وربي مو غافل عن هالظلم لكن سبحانه يمهل ولايهمل
انا واسطتي ربي وماراح يخيب املي فيه
يارب الطف بحالي وحال من هم مثلي
حبيت افضفض واسأل هل فعلا العقود الغيت؟
او جددوا بعد للي عندها واسطه؟(استغفر الله بس)