سؤالى عن الملوخيه الورق ؟

اهلا بك
الورقية وصفتان خضراء و يابسة ايهما تريدين

ينقل من الساخنه الى اطباق حواء

الله يعطيكم العافيه اظن الخضراء لان ماعندي يابسه وش الاحلا اذا كان المجففه لذيذه قوليلي كيف اجففها تعبتك ادريييي بس سامحيني من زمان ودي اعرف الطريقه

عزيزتي أم الجوهرة الثمينة
السلام عليكم ورحمة الله وبركاته
طريقتي فلسطينيه بالملوخيه الخضرا

1 قشري كميه من التوم
2 حضري اللحمه ويفضل قطع بدون عظم وصغيرة (راس عصفور)
3 ابدأي بقلي التوم في الطنجرة اللي بدك تطبخي فيها حتى ياخد لون اشقر( طبعا التوم اسنان )
4 ارفعي التوم في صحن واقلي اللحمه بنفس الزيت وبهريها فلفل اسود وبهار وهيل وارفعيها
5 اذا بتحبي تحطي صنوبر اقليه في هالمرحله وخليه على جنب
6 الان زيدي شوي كمية الزيت وخدي الملوخيه وقلبيها على دفعات في الزيت يعني كل ما دبلت كميه ضيفي فوقها كميه تانيه حتى تخلصي المقدار
7اذا كانت نوع اللحمه عندك بتستوي بسرعه رجعي اللحمه والتوم على الملوخيه وحطي عليها ماء مغلي حتى تغطي الكميه واتركيها على نار هاديه حتى تستوي اللحمه
8اذا بدك حطي اللحمه في طنجره صغيره مع الماء المغلي حتى تستوي نص استواء وبعدها حطيها على الملوخيه والتوم تكمل معهم
9اخر مرحله حطي الملح والصنوبر او بتتركي الصنوبر للزينه
واغليها غلوتين وخلص
وصحه وعافيه
ان شاءالله تعجبك طريقتي

اهلا بك
شخصيا افضل اليابسة
و لو حبيت تعملي الخضراء ممكن تفرشيها على قطعة قماش 3 ايام حتى تخف المي اللي فيها

المهم

المواد
ملوخية
راس ثوم كبير مهروس
عصير 3 حامضات
لحمة راس عصفور او دجاجة مسلوقين و الدجاجة منتفة مع الاحتفاظ بماء السلق(طبعا مسلوقين مع بهاراتك المعتادة)
ضمة كزبرة خضراء مفرومة ناعمة
ملح
زيت نباتي
فليفلة حارة خضراء او بودرة و اللي ما يحبها بدونها
الطريقة
اذا الملوخية خضراء
تقلي الثوم و الكزبرة بالزيت و تضيفي الملوخية و تقليهم سوا و فورا تسكبي فوقهم عصير حامض حتى ما يصير الزوم يشلخ
تقلبيهم شوي و تضيفي اللحم او الدجاج و تقلبيهم سوا ثم الملح و اخيرا ماء السلق و باقي عصير الحامض و لما يغلوا تغطيهم و تتركيهم ينضجو و تقدم مع ارز ابيض او ارز بشعيرية

اما اذا كانت الملوخية يابسة فيلزمك تنقعيها بماء مغلي بالليل لثاني يوم
و ثاني يوم وقت الطبخ تغسليها و تعصريها منيح و بطنجرة (تيفال اذا امكن)و من دون زيت تحمي الطنجرة و تنشفي الملوخية شوي شوي

و الان تتبعي الخطوات اللي للملوخية الخضراء

وصحتين

ارجو ان اكون قد افدتك