تتبيلة السلطه من كنور لذيذة
بالذات ام الخل والثوم
والزعتر والريحان

بالخلاط الزجاجي خلطي التالي:
كمشة كزبره و كمشة بقدونس (كمشة يعني ملء الكف بس) وملعقة عسل ونصف كوب زيت زيتون وربع كوب عصير ليمون وشوية ملح وملعقة صغيرة مسترده واذا تبين شوية مايونيز راح يعطيك خلطة خضراء حلوة للسلطة
وعندي خلطة ثانية وهي انك تخلطين بالملعقة هالمرة مو بالخلاط علبة روب وعصير ليمون وشوية ملح وفلفل أسود وملعقتين لبنه أو مايونيز بس مو الاثنين مع بعض حق السلطات اللي فيها باذنجان

هلا حبوبه

ان شاء الله البانت يفيدونج .. بس بغيت اسألج شنوهو (ماسترد)

ما فهمت .. شلون شكله ووين يبيعونه

^
^
^
^
الماسترد هو الخردل (الأصفر) طبعا بعد اذن صاحبة الموضوع :) بس قلت افيدكم

بصراحة مشكورين يالغاليات ماقصرتوا صراحة وبالنسبة للصلصات السوق ما احب استعملها كثير لأني ما اعرف سعراتها والا هي طيبة بس اللي تتعمل بالبيت اطيب وبالنسبة للصوصات الاخت كتاكيت اشكرك يالغالية وان شاء الله باجرب صلصاتك شكلها روعة ماشاء الله تسلمين