سؤالى عن طريقه جديده للسمك ؟

سويه سمك فيليه .. ولا برياني سمك نفس طريقة الدجاج بس على سمك .. ولاكفتة سمك مقليه .. سمك مشوي في الفرن ..

انا أموت على السالمون المشوي
تبليه من الليل في ليمون و زيت زيتون و ثوم و ملح و فلفل و أشويه على الجمر 5 دقايق لكل وجه و قدميه مع ليمون كثير

انا عندي طرقتين لصينية السمك
اول صينيه (صينية السمك بالكزبره)
السمك قطع فيليه متبل بالملح والثوم والفلفل اسود وقليه نص قليه وحطيه في صينيه بايركس
الخلطه قلي بصل مفروم ولما يصير لونه ذهبي قلي معه ثوم مدقوق وبعدين افرمي كميه كبيره من الكزبرة وقليه مع البصل وقلي معاهم طماطه مقطعه وبهريهم بالبهارات المخلوطه والملح وبعد ما تسبك ضيفي صلصه طماطم وشوية مويه ولما يغلي غليه واحده صبيه على السمك ودخلي السمك الفرن حتى ينضج وبعدين شيلي القصدير عشان يتحمر وينشف اشويه من الصلصه
الطريقه الصينيه الثانيه صينية السمك بالطحينه
سمك هامور يتبل بالملح وفلفل اسود وليمون وكمون وزيت زيتون ويوضع في الفرن لمدة ربع ساعه
في هالربع ساعه جهزي الصلصه
قلي بصل مفروم وبعدين حطي الكزبره وبعدين الطماطه لما تسبك قفلي النار عنها ونعمل الطحينه 2 م ك طحينه وشوية مويه وليمون وبهارات مخلوطه والصلصه تكون كثافتها وسط وتوضع فوق السمك وتدخل الفرن واكيد بعدين بتشيلي القصدير عشان تتحمر انتبهي لاتنشف الصلصه