ما معنى الايدامات يا بنات؟؟؟؟؟؟؟؟؟؟؟

شكراً لي مرورك
الايدامات هي التي تصنع من الخضروات مثل .الباميه .الكوسا. فاصوليا.........وغير ذلك كثير

الإيدامات هي
المرق

يعني ايدام بطاطس
ايدام كوسه وايدام بامية

وبعدين صحيح الصحة أهم
لاتكثرون يابنات من الماجي

ماتدرون وش مكوناته ؟احمسي البصل زين وحطي بهارات وخلي أكللك يتسبك وشوفي النتيجة ؟؟
وبالصحة والعاافية

مشكورين ياأخواتي بس انا مااكثر الماجي اهم شي يعطي طعم يعني مكعب واحد بس وعمري ماحطيت مكعبين في ايدام واحد

بس اهم شي يكون في الايدام حموضة محببة ومستساغة ومعجون الطماطم كمان روعه في الايدامات _ لاتقولوا معجون الطماطم مضر _!!!!!

بس انا اتوقع اي شي مصنع مو طبيعي اكيد يضر الصحة بس انا مااكثر لان تكثير المعجون او الصلصة يأثر على الطعم سلبيا ،،،،،،

وسلامتكم

انا اشوف الماجي مو ضروري وانا ماادخله بيتي بالمره

اهم شي طريقة الطبخ

يعني الايدامات مثلا طريقتها وحدة ماتغيري الا اللي بينضاف

اول شي حمري البصل على نار وسط مع كم قرن فلفل مايكونوا مفتوحين عشان لا ينحرق

البصل وحاولي انك توطي عشان يذبل مضبوط وماتكثري زيت بعدين تضيفي الثوم وقلبيه

شوي مع البهارات قرفة هيل كمون قرنفل فلفل اسود وتحمسيها مع الثوم

ممكن تضيفي اللحم اللي عندك دجاج او لحم وتقطيعه زي ماتبغي

وضعيه على البصل وتضيفي شوي ماء وتغطي القدر وتخليه على نار اقل من الوسط عشان

لاينحرق وتقلبي من فترة لفترة وماتخليه اللحم يلصق بالقدر

بعد كده يجي دور الطماطم طازجة ومعصورة في الخلاط وتضيفها على الخلطة

وتخلينها الى ان تنشف مويتها وزيديها شوي موية ولا تنسي التقليب

وضعي ملعتان صلصة ولاتكثري منها الى هنا ممكن تستخدمين الطريقة في الكبسة مع

زيادة بعض البهارات وتقليل عصير الطماطم وزيادة كمية البصل

بعد كده في الايدام حطي الخضار اللي تبغيه بطاطس جزر بازلاء فاصوليا كوسة

بس البامية و السبانخ والرجلة نفس الخطوات الاولى بس لها معاملة خاصة

ادري اني كثرت كلام بس لاني مريت بنفس تجربتك وحاسة فيك بس دحين الحمدلله

اذا عجبتك الطريقة ممكن اكمل لك