سؤالى لبنات الكويت عن ارقى محل للحلويات و الفطائر الغريبة

شنو السالفة مافى احد رد وينكم يا بنات ،،،، مافى كويتية انزين مو كويتية ،،،،،؟؟؟؟؟؟؟؟؟؟؟؟؟

بصراحة كل شهر فى عزومة عند وحدة من الجارات و بغيت طريقة تقديم تكون جديدة ، انا شريت سلة و حطيت فيها قماش اوركنزا و ما ادرى شنو نوع الكاكاو الى اشتريه ...... و عندى صوانى فضة فيها ورود فضية تنفع للتقديم كنت افكر ان ممكن وحدة من هذى الصوانى الصغيرة مثلاً اضع فيها المفرش الأوركنزا و اضع عليه الكاكاو الحين السؤال اى نوع كاكاو؟؟؟؟؟؟؟؟

و محضرة القلاصات للتقديم ايضاً على شكل فضة و تحتهم مفارش و فكرت ان ممكن اسوى مفارش صغيرة لتحت القلاس من نفس لون المفرش للكاكاو

بالنسبة للحلو افكر من محل امبرس يمكن اجيب الحلو القهوة

اما بالنسبة للفطائر يمكن اجيبه من محل بالروضة اسمه شهريار او يمكن من الخباز لحد الآن ما استقريت على راى المهم يابنات الى عندها افكار للتقديم او تعرف اى رابط يساعد ياريت ما تبخل على لأنى بصراحة محتارة

و اذا فى منكم عنده فكرة لحلو يبيض الوجه من المنتدى و يكون جديد يدلينى عليه فبصراحة اكثر الحلو معروف للجميع فبغيت حاجة محصلتشى تكون غريبة

السلام عليكم

ما شاء الله عليك كل هالشغل السنع وتبين تتعلمين

عينى عليج بارده

وبالنسبه لمحلات الحلويات فعد وخربط متوفره بالكويت بالهبل

وانا افضل لارسيا وسابليه للعزايم

وفيه محل ريد ريبون للحلويات شغله حلو ورخيص

تصورى تورته مستطيله ذربه بدينار ونص

وصينيه بسبوسه احجام صغيره بدينارين وترى الصينيه كبيره

اتمنى اكون افدتج:24: :27:

هلا فيج عزيزتي قمرتاج ..

الصراحه اختيارج لمحل شهريار .. اوكي .. عنده جاط كامل بـ 6 د.ك .. شكله ذرب .. و كل شي فيه .. و سابليه بعد منزل فطاير يديده بالخبز الفرنسي .. لـذيــذه ...

اما بالنسبه للككاو .. ما انصحج بامبرس .. لأنه غــالي عالفاضي .. تقدرين تاخذين من اوبرا ..أو من روشيه .. و اذا تبين فناتك تقدرين تاخذينها من روشيه .. عنده صناديق ذربه و اشكالها حلوه ..

و الحلو تقدرين تاخذينه من حلويات سرداح ..
و عندج محل سيتاديل اللي بفحيحيل .. عنده ميني كيكس ترفـــه و لذيــذه .. (جاتوهات صغيره جدا)

اما بالنسبه للكيك .. اذا كانت العزومه ملمومه .. يعني جم وحده بس .. فتقدرين تاخذين لهم من محل كاراميل .. اللي بالصالحيه .. الكيك عنده جـــدا راقي و رايق :)

و انشالله اكون افدتج ...



تحياتي
____
:27:

اختى انا مانى من الكويت بس حبيت افيدك
كان فى موضوع بعنوان (عزيمة شاى ) لام رها
بصراحه الوضوع فيه افكار مره حلوة انشاءالله تلاقيه ويفيدك .

اختى الوفة يعطيج العافية و شكراً على مجاملتك الرقيقة وانشاءالله بمر على هالمحلات الى ذكرتيها و يعطيج الف عافية،،،،،،،،،،،،،،،

اختى سويتانا ماشاءالله عليك فعلاً نفس المحلات الى ناوية اروحها فمن محل شهريار بشترى الجاط الى ب6 دنانير
و الحلو كنت افكر من السرداح و من محل سيتاديل بآخذ الكيك الى على شكل قطع صغيرة

اما باقى المحلات الى ذكرتيها فبصراحة بجربهم و شكراً لج كثيراً و اختى كل ما حصلتى على حلو جديد ياريت تبعثيلى ما تنسينى اوكى ماذا عن المحلات الى ممكن احصل فيها عن اماكن حلوة للمواعين و صحون التقديم فى الكويت هل ممكن المساعدة و شكراً و لجميع الخوات