ههههههه
تدرون ليش أضحك
أنا أتفرج على الصور الحلوة وبنتي عندي تقول : ماما نادلي (ناظري) أبي هذا حلوووووو أخ إسس
يعني أعجبها تبي تنام فيه وتشخر بعد أخ أش
العزيزةالمشتاقة الى الجنه
الستاير الشيفون تعجبني كثير لكن للأسف جونا الصحراوي المشمس ماتنفع معه وكذلك بردنا الشديد يعني ما أقدر إلااتفرج عليها بالصور بس!
ولون الجدران الوردي هادي وحلو عندي إنه أحسن من الفوشي لأنه لون مزعج شوي
أشوف أكثر الغرف الناعمة من الحديد المشغول هل هي أفضل من الخشب وهل هي عملية لأننا إذا حطينا شي بالبيت فهو على هالحطة يعني ما نغير بسرعة لذلك أبحث عن الأفكار العملية والجميلة
الأرفف المثبته على الجداربالصورة حطيت قريب منها لغرفة أولادي مع خلفية مثبته ولونت كل مربع بلون
السلاسل في السرير ما تصلح ابنتي لأنها لعابة جدددددداا وأتوقع تقطعهم من أول يوم
وإذا ما قطعتهم هي إخوانها مايقصرون يقومون بالمهمة على أكمل وجه
وش رايك بالخشب يطلع صوت مع الوقت زي ما قالت همس الجراح بارك الله فيها
أشكرك على التفاعل وبالنسبة للتكاليف فخير الأمور الوسط الغالي مرة ما أبيه
والرخيص مثل مايقولون مخيس والجودة أهم من الشكل
umsul6an أنا ما أبي الخشب علشان شكله أبيه لأنه مقاوم للبرد وماص للصدمات وما يطلع صوت مثل السيراميك
هذا الي قالنا صاحب المحل وهو محل راقي وزين ومشكورة ياعيوني
همس الجراح
أنتي جربتي الخشب وهل هو أصلي ولا لا وسمعت إنه مع الحر يتكون فيه حشرات هالكلام صحيح ؟؟
مع السلامه بنتي جت وهي متمكيجة بحبر الختم !! شافته بعلبة وتحسبه مكياج جديد!!!!
وشششششششششش يوخر الحبر إإههي إإإههههيي وووووواول الرسالة ضحك وآخرها صياح
:17: :17:

اختي الغالية شكلك جدا مرحة ما شاء الله وهذا اللي شجعني اجاوب وبصراحة الدعوة بالجنتين اغرتني اتمناها لي وللمسلمين اجمعين
نبدا من الاخر الحبر اذا على الملابس يروح باللبن او اللي انتو تسموه زبادي حطيه على الملابس واتركيه يوم وبعدين اغسليه عادي واذا على الجسم يعني البنت يبيلها شاور وربي يعينك

بعد ذلك بالنسبة للخشب كل ما اقرا عنه اسمع انه يجيب حشرات وكل من ركبه ندم وغيره لنفس السبب وهذا الكلام سمعته من كثير ناس
عليكي بالسيراميك واذا بنتك لعابة جدا كما قلتي فالفينيل رائع وانا مجربته والله يجنن لكن كلام الاخت صحيح اهم شيء التركيب يركبوه بضمير ويكون اروع شيء وكمان ما تخافين اذا بنتك توقع على الارض لا سمح الله

بعدين انا انصحك انه الفينيل اذا اخترتيه من لون الخشب فيكون اللون من الدرجة التانية يعني موغامق ولا فاتح لانه الفاتح جدا يروح لونه مع الوقت لكن تاني درجة انا جربتها ما شاء الله هي تعتبر فاتحة وتليق مع الخشب الفاتح

وبالنسبة لغرفة النوم انصحك بالخشب لانه اثبت على مدار السنين انه موضته ما تبطل وانه دايما هو الاول الحديد ممكن يتاكل يصدي ما اعرف ايش لانه جونا صحراوي حار
وانصحك بانك تختارين موديل جميل لكن بسيط عشان اذا كبرت ما تحسه صغير عليها وما يناسبها
واذا منتي مفكرة تنجبين اكثر فممكن تختاري السريرلا اللي يكون له مثل جرار تسحبيه ويكون سرير تاني
وبالنسبة للشيفونات فلها حلول كثيرة انا اتبعت احدها وطلع جدا جميل لا وصلتي للستاير خبريني قبلها وانا بقولك
وبالنسبة للباب ممكن تختاري الخشب المشغول والمحرق عليه زخارف ويطلع يجنن او تختاري الزجاج الملون لكن عشان بنتك الافضل خشب
واتمنى اني اكون افدتك
وسامحيني على الاطالة

سمعت بالدعوه وجيت أركض
بخصوص الخشب فعلا ممكن يجيب حشرات لكن لو كان بالدور الثانى
ومهتمين بنظافته بأذن الله مراح يكون فيه حشرات
ولو رحتى على محلات ايكياممكن تأخذين افكار للغرفه او بعض أمور الاطفال
حلو ايكيا للأمور الخفيفه وأمور الاطفال
ودعواتك لنا ان ننقل من بيتنا بكبره ويجيب سعر حلو ونسكن بيت حلو :)

أمي الغالية
شكرا على الإقتراحات الحلوة
والقاطع مثل الي يحطونة بالغرف الكبيرة حتى يستفيدون من المساحة ويخلونه غرفتين
فيحطون قاطع مثل الجدار من المنيوم أو خشب ومهب باب
وياليت تقولين لي عن الستاير لأني ودي بستاير ماتكون ثقيلة وتكون مانعة للشمس وسهلة التنظيف يعني تنظف بالمسح وهي بمكانها

بنوتـــــه~
شكرايا أختي واللهم آميــــــــــــــــــــن وتعمرونه بالطاعة

حبيبتي القاطع يفضل خشب بيكون شكله أحلى وأفخم