سؤالين -- خلونا نتشارك في اجابه لهم

بنات عندي سؤالين مختلفه عن بعض تماما
السؤال الاول
عندي جاره عيالها احيانا يجون يلعبون مع عيالي
الشهاده لله عشر سنوات جنب هالجاره ماشفت منها الا كل خير وهي طيبه وماتسوي شي الا وترسل لنا وتقوم بالواجب في المناسبات وماتقصر
عيالها تقريبا اصغر من عيالي بشوي بس يفهمون زين ومره كانو يلعبون مع عيالي وجا وقت الصلاه وقلت لهم يالله وقفو اللعب وقومو صلوو وبعدين ارجعو العبو
قامو صلو عيالي وعيالها جلسو يسألون كم ركعه ياخاله؟ وانا اقولهم ليه ماتصلون في البيت ماما ماتعلمكم؟ قالو : ماما ماتصلي
قلت لهم مو معقول ماما ماتصلي اكيد تصلي بس انتو ماتبغون تصلون اعرفكم
قالو لا والله مانشوف ماما تصلي مره الا لما يجونا ضيوف تقوم تصلي معاهم
قلت لهم الحين اعلمكم وعلمتهم على الفروض والصلاه وهم في الابتدائي المفروض دارسين الصلاه بس مايعرفون يصلون وبس يسألون كم ركعه ومتى نصلي مع انه عيالي يعرفون الصلاه ومستغربين منهم
المهم حابه اتأكد انه امهم تصلي او لا هل هذا يخصني؟ هذا اولا؟
اذا تأكدت انها ماتصلي كيف اتصرف معاها وكيف يتم نصحها
خجلانه جدا منها لكن هذي الصلاه مافيها لعب عاد والاطفال محتاجين يشوفون احد يصلي علشان يصلون وهم يحلفون ان امهم ماتصلي ولا يشوفونها تقوم تصلي الا وقت مايكون فيه ضيوف
ابوهم يقولون يصلي بس ماما ماتصلي
اخاف اروح اسأل واحرجها وهي تصلي وكل شي بس فيه سوء فهم
هذا السؤال الاول
----------------
السؤال الثاني زوجي يعطيني كل شهر اربعه الاف ريال لكل شي في البيت من كهربا وتلفون وجوال ومقاضي للبيت وكسوه وكل شي كل شي ماعدا التمشيات عليه هو
يعني يصرف في الطلعات من جيبه
لكن المشكله مايبقى من المصروف شي وانا حابه اوفر منه ولو تتذكرون اني مره كتبت موضوع اني ضيعت الفلوس كلها في اسبوع مدري اسبوعين ومابقي منه شي
ساعدوني في طريقه اقدر اوفر بها شي من المصروف لي واخليه في البنك
وراح اعطيكم متوسط الفواتير والمقاضي
غالبا مايكون سعر الفاتوره بين 300 ريال و200
والجوال 500 ريال واحيانا اكثر بشوي
تلفون البيت احيانا 700 واحيانا 600 واحيانا 400 واحيانا اكثر والله 800
ومقاضي الشهر اشتري في حدود ال 700 واحيانا اكثر
طبعا غير الكماليات من ملابس والعاب
يعني مايبقالي شي
كيف اتعلم اوفر بليز وكيف اسوي جدول للتوفير
وكيف اصلا اوفر في النت والجوال
علما اني مااتكلم بتلفون البيت
بس بالجوال وهذا اللي مخسرني كثير
وتلفون البيت للنت بس
والكهربا اخليها وتجيني فيها متأخرات
علما ان امور البيت كلها علي وافضل اني اخذ الفلوس وانا ادبر امور البيت وهذا الحال احنا عليه من زمااااااااان ومرتاحين كذا
هو يحطلي في حسابي الفلوس وانا اسدد واشتري وكل حاجه
هيا ساعدوني الله يخليكم