سؤالين : مطاعم كباب لبنانى سفري و وين ينباع طماط مجفف بالكويت ؟

بجاوبك على ااسئلتك حبيبتي


1- من المطاعم اللي احب اشتري المشويات منها : قصر النخيل واكله بجميع انواعه ممتاز ، وعندك مطعم كابوريا بشارع المطاعم مشوياته لذيذه


2- الطماطم المجففة شفتها بمركز سلطان بالسالمية بس عند الارفف مو عند الخضراوات


وانشالله اكون افتدك


:cook:

هلا MooN GirL

ما قصرت علي هالرد الوافي والسريع


:26:

بالنسبة للطماط المجفف تقصدين الارفف اللى عند المعكرونة ... راح أروح هناك أدور عليهم و يعطيج الف عافية

الطماط المجفف بمركز سلطان مثل ما قالت الاخت العزيزة بس مو عند المعكرونه لأ عند معجون الطماط مقابل رف الصلصات واذ ضعتي ما لقيتيه اسألي البياعين يورونج اياه

بالنسبة للمطاعم اللبنانيه تقدرين تاخذين كباب أو مشويات سفري بعد من كافيه بلان اللي يم chocolate bar بالمارينا كرسنت (على البحر) فوق

ريتا
شوفي الكباب اللذيذ تلقينه في مطعم صغير وقديم بشارع تونس وانتي جاية من الدائري الثالث قبل دوار صادق بشوي اسم المطعم زهرة تونس او زهرة دمشق والطماط المجفف مثل ماقالوا الخوات بمركز سلطان بس اقربلج داخل جمعية الشامية بركن الذواقة اول ماتدشين داخل الجمعية على ايدج اليمين