سؤالي حق اللي عالجت ضعف التبويض بالكلوميد؟؟

للاسف مالي خبرة بالموضوع .. وياريت البنات يفيدونك

الله يرزقك الذريه الصالحه ..بصراحه ماعندي خبره لكن ماحبيت اطلع بدون مادعي لك

حبيبتتي انا استخدمت كلوميد شهرين و ماصار لي حمل مع اني كنت آخذه من ثاني يوم للدوره و حبتين باليوم يعني 100 ملغرام..
قطعت شهرين و برضوه ما صار حمل و الشهر هذا أخذته بس ماعندي اي احساس بالحمل,, موعد الدوره يوم الاربعاء او الخميس يعني 23-24 مارس.. الله لا يجيبها يارب...

و فيه ناس كثير سبحان الله من أول استخدام حملوا على طول و بعضهم جابوا توأم بعد.. بس شنقول الحمد لله على كل حال... كل تأخيره و فيها خيره...
انتي اهم شي لا توترين عمرج لأن مع التفكير راح تتلخبط الهرمونات حتى مع استخدام الكلوميد... توني امس بس جايني اتصال من وحده من صديقاتي تقول لي انها حامل مع محاوله 5-6 سنين للحمل ... تقول هالشهر ماكانت ناويه تحمل لأنها تعبت نفسياً من الابر و الخرابيط... تقول استخدمت خلطة العسل و لقاح النخل و غذا الملكات قبلها بشهر و هالشهر ما ستخدمتها بس استمرت في قراية صورة البقره تقول في بالها تستعد للشهر الجاي و لما جا موعد الدوره نزل عليها نقاط دم استغربت و ماحطت لها بال و بعدها باسبوع كان لها موعد عن الطبيب و ماصدقت عمرها لما قال لها الطبيب انتي حامل... سبحان الله...

شوفي انتي خلي ثقتج بالله كبيره و مهما تأخر لا تجزعين واحمديه واساليه و ألحي في السؤال و خذي بالأسباب و الله باذنه سبحانه و برحمته راح يرزقج و يرزقني و جميع المحرومات بالخلف الصالح عاجلاً غير آجل...

بس في النهايه حلو ان انتي الطبيبه حقتج مسويه معاج متابعه أنا بالعكس ما احد تابعني ابد... عطوني حبوب و روحي ابلعيهم و انتظري :D هههههههه
المهم شوفي يا الغاليه انا نفس الشي دورتي كانت ملخبطه بس مش ملخبطه بالمره مثل البنات اللي تجيهم شهر و تغيب كذا شهر,, انتظمت دورتي بعد الكلوميد و صارت كل 31 يوم تجيني بس الشهر اللي طاف تأخرت وايد لدرجة اني ظنيت نفسي حامل بس الحمد لله على كل حال ,,

لا تنسين الدعاء و اليقين بأن الله راح يرزقج عاجلاً غير آجل بس لا تستعجلين الاجابه..
والله يرزقج و يرزقني و جميع المحرومات بالذرية الطيبه..

أختى أنا هذا الشهر السادس وأنا آخذ الكلوميد للحين ما فيه أي شيء بس كنت آخذ 50 مرتين في اليوم من اليوم الثاني للدورة، الله يرزقك عاجلاً عاجلاً عاجلاً

بسم الله الرحم الرحيم


هلا بنت اجاويد و غادة الكميليا مشكورات الغاليات على الدعاء والرد .. والله يرزق كل محرومة يارب ...

وهلاااا أم ميعاد .. إن شاء الله يارب ما تيج الدورة اللين تسع شهور ,, وحبيت أسألج هل الكلوميد تنظم الدورة لأنها بصراحة دورتي وايد تتأخر وحتى كل مرة أقول إني حامل يعني تخليني على أعصابي ومب عارفة شو أسوي :( .. فهل تتوقعينها تنزل بدري ؟؟؟

وبصراحة عشان الدكتورهذي في أمريكا و بصراحة الحمد الله وايد فنانة تحسيبهم يهتمون يعني في الشهر 3 مرات يتابعون التبويض وبصراحة أول شهر أتعامل وياها ... فعاد اليوم ما عطتني أمل إني أحمل هالشهر لأنها شافت البويضات صغيرة وايد وقالتلي يوم بتنزلي الدورة تعالي ... والله كريم يارب
وأنا إن شاء الله ببدأ أقرأ سورة البقرة ....

والله يرزقج يا ترنيمة العشق الذرية الصالحة يارب ومشكورة على الدعاء والله يتقبل منا جميعاً ..