سؤالي للدكتورات الفاضلات والخوات اللي لهم دراية بالموضوع

السلام عليكم ورحمة الله وبركاته . مشكلتي اني ف يالفترة الأخيرة احس بالامتلاء بسرعة حتى من اقل شي آكله انا اعرف ان الحمل يصير فيه كسل في حركة الأمعاء لكن شنو الحل لأني وايد متضايقة واحس بثقل شديد كأني حامل في 7 او 8 شهور مع اني لسه في 22 اسبوع وعندي بعد مشكلة اخرى ان اي شي آكله يظل طعمه في فمي لمدة طويلة وبعد فترة أحس انه الطعم اصبح وايد حامض كأني شاربة ليمون صرف ويجعلني هذا احس بالقرف والرغبة في التقيئ ويظل هذا الطعم حتى وانا نايمة كل ما اصحى احسه موجود مع اني ما عندي حموضة مثل اللي كنت احس فيها في حملي السابق كنت احس كأنه نار طالعة من معتدتي وتخترق صدري حتى تصل لفمي هالمرة لأ بس احس بالشعور اللي قلتلكم عليه عن الليمون فهل فيه حل؟هل علك الماي (لبان الدكر) مفيد في حالتي ؟؟ واخيرا انا ودي اسوي سونار ثلاثي الأبعاد وسمعت الدكتورة تقول لمريضة اخرى انه عادة يتعمل بعد الاسبوع 24 ومافوق انا بصراحة نفسي اسويه لأني سمعت انه يبان فيه ملامح البيبي ويبان لو فيه تشوهات فهل هذا صحيح وهل له فوائد أخري ؟ وهل فيه تحاليل معينة يمكن عملها للتأكد ان البيبي خالي من التشوهات والامراض الوراثية وغيرها ؟؟؟ وشكرا لكم جزيلا مقدما