سؤالي مكررررر..اللي أستخدمت التحاميل والكبو للنفاس تدخل شوي..

المسافرة...أنا صار لي 20 يوم من ولدت و استخدمت التحاميل و اليوم ببدأ الكبو ان شاء الله...تبين الصراحه؟ ما أحس بأي تغير يمكن بدري شوي على الحكم ..يوم بخلص العشرين يوم الباقيه بخبرج اذا فيه شيء...بس بالنسبه للطهاره ما اختلف شي عن ولادتيني اللي فاتوا و الله أعلم أحس تحاميل الخيل و الملح كانت أحسن تطلع الأولي و التالي أما هذي التحاميل تكون الله يعزج الفوطه نظيفه بس يدوب التحميله ذايبه عليها ..بس و الله يالمسافرة أحس لو ما شفت نتيجه لهذا النظام بنهااااااااار لأني تعذبت من اللهوم و طعمه و ريحة الجسم بعده بالرغم من السبوح و الدخون و العطور و الشاي و طعمه و منقوع المر و ما ادراك ما المر لا و الحين ياي الكبو الله يعينني و يعين ريلي و الأدهى و الأمر اني أحس بتيني انيميا(فقر دم) من كثر الممنوعات ما عرف شو أكل..بمووووووووووووووت لو كل هالتعب عالفاضي..و المشكله كل اللي يطبقن هالنظام يختفن ما يقولن لنا شو النتيجه!!!!! خايفه من سر اختفائهن!!! أخاف انهارن لنفس السبب هههههههه

ضحكتيني ياختي أم البنات ترى أنا مثلج جهزت الأشياء بس والله ماخلطت غير اللهوم.. وحتى سويت بس نص الكمية وماعتقد بكمله.. ماحب أكل هالأشياء بس بغصب عمري بس اذا لقيت الريحة طلعت بودره.. .. والكبو ترى وايد اللي شفتهم كتبوا طريقته بس كل وحدة تحطي شي وتخفي شي.. مادري شو الأصح؟؟

أنتي شو اللي حطيتيه بالضبط فيه.. عشان أبتدي أسويه ترى ماباقلي شي أصلا عن الولادة وكسلانه كل يوم أأجل السالفة..

سويت البارحة تحاميل بس حطيت مرة وعسل لأنه وحدة قالت انه الملح يحرق وخفت الصراحة.. وقلت الملح بخليه للغسول.. شرايج أنتي.. بسألج انتي لقيتي الأرطاء بالامارات ترى وايد اللي سألتهم مايعرفونه.. لأنهم ايرانية.. وبعد انتي تستخدمين نظام فيافي صح؟؟ طمنيني وعاد أنا قابضتنج لين ماتردين على كل أسألتي هههههههههه وان شالله بعد ماتختفين ههههههههه:o

لا...لا تخافين ما بختفي الحين..يمكن بعد ما أطلع من الأربعين عقب ما أكتشف النتيجه!!!!!!!
شوفي الغاليه..بالنسبه للتحاميل أنا طحنت المر و المحلب و الملح و خلطت ملعقه كبيره من المر و المحلب و فنيان قهوة ملح و عينتهم بشوية عسل و حطيتهم مب في تيار هوا اللا في مهب و عواصف لمدة قرن و ما نشفوا و يوم ما لقيت رد على سؤالي قمت حطيتهم في الفريزر لين يومج هذا و أستخدمهم منه.
و الأرطا موجود في الإمارات أكثر عن شعر راسي و أنا مادري...

ما عليه استحمليني..بعطيج المعلومات بالقطاره..تعرفين الوحده في الأربعين وقتها مب لها...
بالنسبه للأرطا..بقدرة قادر طلعت الشيره اللي جدام بيت اهلي هي الأرطا و أنا مادري بس البركه في أمي اللي تعرفها و يوم روحت بيتي ما خليت فيها عود حشيتها كامله و ترست الثلاجه.
التحاميل...احس أهم شي الملح..لأن بعض الحريم يحطنه بس هو و بعد مطهر و تراه مب وايد يحرق يعني محتمل و مدة دقايق.
الكبو...صراحه أنا سويته عالبركه و الله يستر حطيت خواجوا،مر،كمون،خيل الدخون،محلب،قشر بصل،هدب أثل،عود هوا.....و بالتجربه و الخطأ اكتشفت اني لازم ادق المكونات شوي علشان أروم انثره عاليمر..وبس
بس فوق كل هذا يوم بطلع من الاربعين بصلي الحاجه انه يكون فيه نتيجه لان ريلي كاشفني شو ياسه اسوي و على هالاساس مستحمل فقير ههههههه

انا استخدمت النظام بس ماطبقته بحذافيره يعني التمر والسمن مااخذتهم كمان شاي الاعشاب اخذه بالبركه يوم ويوم وكوب واحد في اليوم والمنقوعه اخر الايام اهملتها التحاميل مااستعملتهم بس اهم شي اللهوم كنت اخذه باستمرار ولكن مالاحظت شي غريب يمكن لانو اول ولاده لي..اما الافرازات فهذا وجهك ياخاله لو سفتيه بنخاله ماتغير شي

الله يعين برجع اطبق النظام في اول دوره بعد النفاس يعني بعد 3 ايام ان شاء الله وبطبق معاه طريقة اختي ونة خفوق والله ينفع به ان شاء الله