سؤال؟؟؟

كثيرا ماتحتار الام كيف توصل هذه المعلومات الدقيقة والحساسة لطفلها ذو الاعوام الاربع خاصة انها تكون حريصة على الصدق ..

راح احط تجربتي اليي افتخر بها كثيرا ..

طبعا الاسئلة ماتعرف توقيت معين ..كل ماجا على بال الطفل سؤال سأله.

ما اتذكر اول مرة متى لما سألني ابني ماما انا كيف جيت؟

بس طبعا قلت انه كان في بطني ولما كبر وصار يقدر يعيش برة بطني جا للدنيا وكان صغير مرة وبدون اسم .....(ركزي على بدون اسم ,,,لانها تغني عن الاسئلة المحرجة وراح يركز على الاسم وكيف سميتوني )

المهم لما كبر شوية سأل طيب كيف البيبي يجي في بطن الام ...وكيف يخرج منها.. طبعا هدا السؤال اليي الامهات يحوسو في اجابته ..

انا جاوبت ابني بكل بساطة وصراحة ..ماكدبت ولا لفيت ودرت ..

اول شي الله يخلق البيبي في بطن الام ...بس لازم يكون في اب لانه البيبي نصه من الام ونصه من الاب..

يجي البيبي شي صغير مانشوفه بعيوننا ...(اصغر من النملة ) ويعيش في عضو خاص للبيبي خلقه الله في بطن الام ..اسمه (الرحم)

البيبي يلصق في الرحم بالحبل السري ومنه ياخد اكله من الام ..ويقعد دافي ويكبر شوية شوية ..
ولما يكبر ويصير جاهز انه يعيش برة الرحم ..تصير الولادة.

الولادة محد يعرف كيف تحصل ومتى ..كل اليي نعرفه انه الرحم ينفتح ..عشان يقدر البيبي يخرج منه ولما يخرج البيبي يرجع الرحم زي ماكان قبل مايجي فيه البيبي..

ياخد الرحم وقت عشان يرجع زي ماكان ...عشان كدا تكون الام تعبانة وتحتاج راحة اكتر ..عشان يرجع جسمها طبيعي وتقدر تهتم بالبيبي ..وتغير له وتأكله ..ويكبر ويصير مسلم قوي وصالح.

هدا الكلام اليي قلته لابني..طبعا هو يعيد السؤال كتير وانا اعيد الاجابة ..لانه الاجابة صحيحة ومفصلة ..وتكفي وتوفي..

انتظر تجاربكم........