سؤال0000000000عن تجمد الشيرة

هلا اشجان
أفضل شي إنك بعد ماتجهزي الشيره بتضيفي لها قليل من عصير الليمون لأن السبب في إنها تجمد السكر يكون كثير يعني أكثر من المويه

أنا كمااان أعاني من هذي المشكلة ..
المررة الجاية بأحط عليها ليمون
وأقولكم على النتيجة
تسلمين عزيزتي " أشجان "
على الموضوع
وأشكر أختي " أم معاذ " على الإفادة
بارك الله فيكمممم ..

السبب يكون انك ماضبطتي المقادير

او اذا ضبتيها خليتيها وايد على النار تطبخ

والليمون ضروري لانه يكسر هذا التجمد

اخذي هيى القاعده في عمل الشيره لازم يكون السكر مضاعف للماء يعني

4 كاس سكر مع 2 كاس ماء

وترى ماياخذ وقت على النار يدوب عشر دقايق تغلي وسكري عليها واضيفي عصير نص ليمونه

وخليها لما تبرد وحطيها بالبرطمان

وممكن تحطين بالبرطمان زعفران وهيل وفي ناس تحط ماء ورد

وسلامتك

:26:

تسلمييين يام عزيزان
تصدقي أنا أسوي نفس المقادير يعني كمية السكر ضعف الماء
وتطلع معايا حلوووووة
لكن بعد فترررة تتجمد
وأختي تقولي لازم تجلس فترة على النار
مع أني أخليها زي ما قلت 10 دقايق إلى ربع ساعة

وفي طريقتك يام عزيزان
وين الليمون ماذكرتيه
نخليه يطبخ على النار وإلا ما يحتاج
نحطه مع الزعفران وماء الورد ؟؟

اميرتنااااااااااااااااا

فعلا في الطريقه انا كنت ناسيه احط الليمون ومع اني مرات انسى الليمون احطه اصلا وتضبط معاي الشيره وما تتكتل بالسكر

الليمون تحطينه اخر شي لما تشوفين ان الشيره استوت عصري نص ليمونه عليها وحركيها اشوي وبعدها طفي النار وخليها لما تبرد وحطيها بالمرطبان

والشيره اذا تبين تعرفين انها استوت

اخذي اشوي بالملعقه وحطيها على صحن اوخليها تبرد اشوي بالصحن اهني راح تعرفين انها استوت من شكلها او من لمسك لها باطراف اصابعك

يعني ماتكون مثل الماء تكون اشوي تلصق باصابعك او تحسين فيها

هههههههههههههههههههههه ماكو تعبير ماعرف اشرح هالنقطه بس لما تجربينها راح تفهمينها

لان وهي على النار تشوفينها سائله وتقولين انها ما استوت واطولين فيها اهني تتكتل و يخف الماء عنها ويبقى السكر

لكن سوي لها اختبار مثل ما قلت لك .... لان لما تبرد راح تضبط سيولتها

واتمنى تكوني فهمتي علي انتي والبنات

واذا ما ضبط بعد كل وحده تجيب برطمانها واهديكم الشيره مني هههههههههههههههههه

:cook: