سؤال إلى الاخت(عريب) عن خلطتها

السلام عليكم و رحمة الله و بركاته

عذرا على الازعاج لكن اود ان استفسر عن خلطة الشعر اللي استخدمتيها مع بنتج

عمري 18 و شعري متقصف و كشه! و يتساقط بالخصـــــــــل! و ما يتمشط يمللني و صرت ما احب امشطه بس المه و خلاااص تمللت
و الحين صار دمااار شامل
المهم يعني ان شا الله بعد العلاج يصير ناعم علشان اقدر اهتم فيه بسهولة

لاني طالبة و ما عندي وقت و لا حتى عندي احد عنده وقت لي فقلت بخفف الخلطه علشان اقدر استمر عليها و ما اقطعها

بالنسبة لخلطة الزيوت اخترت :
زيت الزيتون + زيت دابر املا + زيت حبة البركة + زيت الخروع
(هذا نسويه في الاسبوع الثاني من استخدام الثوم صح؟ علشان يجهز خلال الاسبوع الرابع)
(نسخنه على النار و بعدين نصفيه؟ ممكن تشرحين لي شلون نصفيه لاني ما اعرف شي في المطبخ ) احراااج !

و بستخدم الثوم(مطحون صح؟) مع زيت براشوت و التونيك من غير باقي مكونات الخلطه(ميرامية و حلبه و محلب ) لان ما اقدر اوفرهم

بالنسبه للحنه ما راح استخدمه لان ما يناسبني ، ممكن تدليني على شي يطير ريحة الثوم غيرها؟ سمعت عن القهوة بس مو عارفه شلون بالضبط استخدمها؟

اممم ، القبعه البلاستيكيه اذا مو متوفرة شنو استخدم كبديل عنها؟

قلتي لازم ان ما نترك الثوم فجأة لازم بالتدريج، زين بالتدريج يعني الحين مثلا صار مره وحده في الاسبوع خلاص الاسبوع اللي بعده اترك الثوم؟ او اخليه يصير مره في الاسبوعين و بعدين مره خلال شهر و هكذا؟ و نفس الشي بالنسبة لخلطة الزيوت

افكر بعد العلاج اظل على الزيوت بس اخففها يعني استخدم نوعين مثلا او نوع واحد؟

قلت بعد العلاج بستخدم مكواة TCS لانها سريعة بس خايفه تخربه فقلت بستخدم الحراره المنخفضه فيها و كريم بالمرز لاني جربته و الحمد لله زين
مشكلتي القشره و ما نفع وياي إلا هيد ان شولدرز بس هو 2 بواحد
فقلت بجرب سانسيلك ان شا الله

على فكرة شريت لي ماسك تجديد الشعر التالف من الاستشوار برايج استخدمه قبل العلاج او بعده لما استخدم المكواة؟

أتمنى ما تبخلين عليي بشورج : ) و عذرا على الاطاله
اتمنى بعد ما نحصل الجواب نستفيد كلنا