مساء الفل والياسمين يا حلوين
تراني رايقه اليوم مدري وش فيني :icon28: مع اني اكره الخميس لاني منطقه بذا البويت
المهم وانا جالسه اغسل الصحون :3_13_12: نصابه ماطبخنا غداء اليوم بس بسوي نفسي ربة بيت
الحقيقه كنت منشكحه على الاريكه
كاني هارون الرشيد جلست افكر وافكر وافكر ووووووووو وبعد افكر ليه خوات الزوج نقمه ليه دايم هم السبب في المشاكل ليه يقسون قلب الام على ولدها وزوجته ليه اذا شافو امهم زعلانه ولا معصبه ما يهدونها ويركدونها عشان صحتها اول شي وعشان منضرها قدام ولدها وزوجته والناس وليه دايم باي موقف يمر ينبهون امهم عليه ويفسرونه تفسير شين ويزرعون الفتنه
مع انه بالاخير الام مالها الا ولدها وبتقولون الام تروح عند بنتها بس اذا زوجها وافق واذا رفض وقال امك عندها اعيالها ماني مكلف بعجوزهم وهذي تحصل كثير البعض يالله بامه والبعض يخاف المشاكل مع اخوان زوجته فا يرفض ان ام زوجته تجي تعيش عنده يعني مردها لولدها طيب حسنو العلاقات مو في الشده تقوون وتبهذلون بنات الناس واذا طحتي تبينهم يرحمونك
احنى كنا في يوم من الايام خوات زوج والله الذي لا اله الا هو وراح احاسب عليها يوم الحساب من رب العالمين انه ما عمرنا حرشنا امي عليهم بالعكس كم مره امي الله يرحمها ازعلت من موقف يزعل واي ام بتزعل عليه وكنا نقول لها كيفهم مايشوفون شر واحنا في داخلنا نحترق ونغلي بس هي كبيره وحساسه و مريضه ما نبي نتعبها
يعني حنى غير ولا احنى صح ولا غلط ابي افهم
اخت الزوج الي في بيتها متزوجه ومرتاحه وش تبي باخوها وزوجته دام زوجة اخوي محترمه وكلامها مهذب وتوصل بامي وما تجرحها ولا تقل ادبها وماتجي امي الا شايله ومشيله ليه انا اناحسها كيف تبي الله يوفقها ويرزقها ويسعدها مع زوجها وهي تجازي الخير بالشر كيف تبي راحت البال وهي مذيه اخوها وزوجوته كيف تبي الله يرزقها بزوجة ولد طيبه وهي كلبه مع اهل زوجها و زوجات اخونها
ونجي للاخت الي في البيت وما تزوجة واذا كانت اخت الزوج صغيره من تحت ال25 نقول توها وصغيره لاكن اذا كانت في 30 وما فوق مع احترامي للكل انا عارفه تجيها فترات تبي الزواج وتغار من زوجة اخوها واهي جالسه ما عندها زوج بس مو ذنب اهلك تفكين الحره وتكرهينهم فيك وفي طبعك وتجلسين همك تحريض امك على حمواتك واخوانك واختلاق المشاكل يا اختي كيف تبين تتزوجين اذا انتي شريه السمعه تطلع وزوجات الاخوان مراح يسكتون اذا احد قال حليوه بيقولون لا والي فيهم طيبه بتقول الله يستر علي وعليها انا وحده لو يجوني ناس يسئلون عن اخت زوجي ما اقدر اقول طيبه راح اقول شريفه ونضيفه ومحترمه وماهي من بنات اليوميين ذولي وتصلي وتخاف الله بامها بس مشكلجيه لانها هذي صفتها ما اقدر اوهق الناس بكره يقولون الله لا يوفقها ورطتنا باخت زوجها الملعونه وبعدين عيب اخوك تناحسين زوجته وتناحسينه وهم في بيتهم كيف تبي الله يرزقك ويوفقك وانتي ضالمه وهمك زرع الفتنه والشر في بيت اهلك
انا وحده تزوجة متاخره والله يان عشت حياتي وانا عانس بطووووووووووووووووووووووووول وعرض دوام صديقاتي اتسيوق واشتري واسافر لخواتي وما حطيتهم في بالي ابد ولا كنهم موجودين وانا شفت انجوم القايله منهم كم من يوم نمت ودمعتي على خدي وكم من يوم افطرت من ادموع عيني قبل لا اطلع للعمل
وابي افهم حاجه وحده خوات الزوج وام الزوج الي يقولون لولدهم طلق زوجتك ما يخافون الله ما يخافون عقوبت رب العالمين مايخافون يجيهم نفس الشي ويمكن اشد وانا يالي ما تزوجة ما اخاف الله يعذبني بعد صبري برجال يبهذلني ويطلقني ولا اجلس طووووول عمري عاله على اخوي الي خليته يطلق زوجته او اصير خادمه لها في يوم
الدنيا سلف ودين وما تمد في يمينك بتاخذه بشمالك
انا وحده عانيت من خوات زوجي خصوصن اني اسوي الخير ولا اشوفه بعينهم احترم ويردون علي بقلة احترام واذا سويت الطيب قالو غصب مو كرم منها واجبها وهي كلبه واذا انقصت لو درجه من الواجب سبحان الله نسو كل الخير والطيب وجردوني من ملابسي وكاني ما سويت الطيب معهم من جيتهم
ما اقول الا حسبي الله ونعم الوكيل
ملاحظه:.
انا كتبت الموضوع بدون عدسات ولا نظارت والشوف شجر اي غلط املائي ولا حرف زايد ولا ناقص ما كنكم تشوفونه مشوها ما اشوف زين ومحتره ورجلي نامت اي
بس اللي يريحك ان كله سلف ودين
وكل انسان سيجد ما عمل ان خيرا فخير وان شرا فشر ( ووضع الكتاب فترى المجرمين مشفقين مما فيه ويقولون يا ويلتنا ما لهذا الكتاب لا يغادر صغيرة ولا كبيرة إلا أحصاها ووجدوا ماعملوا حاضرا ولا يظلم ربك أحدا )