سؤال الله يسعدكم ..

الزبيديه :

شوفي حبيبتي احنا بالعراق كانت امي اتسوي رقائق تشبه البان كيك بالشكل والسمك بس احزري من شو اتسويها الطحين الي تستخدمه هو اطحين التمن اي الرز الحبه الطويله او الوسط الي بالخليج مو القصيره الي يسموها الرز المصري او الامريكي القصير ديري بالك على هالملاحظه بعد ما تطحنين الرز عادي بالمطحنه اتسويه مثل الطحين العدي ناعم يعني بعدين اتضيفين عليه الملح الي ترديه الكميه الي تشوفيها مناسبه وماء قليل وتبقين تعجني بيه مع الماء الى ان يوصل سمكه مثل البان كيك يعني ما يكون ثخين وتصيرين اتسيحينه اي اتنزلين مغرفه من الخليط بالمقلاة غير قابله للالتصاق وتحركيها بشكل دائري حتى يتوزع الخليط ويصبح رقيق السمك وتغطيه دقيقه وتكشفين عليه واذا كان متحمر اتقلبيه على الجه الاخرى وتقدميه ساخن مع اي شي يتاكل هو صحي للاطفال والحمد لله وباي وقت ينوكل اتمنى انك اجربيه يمكن اول مره ما تظبط حاولي المقلاة لازم اتكون ساخنه انشاله اني فدتك وبالتوفيق

شوفي حبيبتي احنا بالعراق كانت امي اتسوي رقائق تشبه البان كيك بالشكل والسمك بس احزري من شو اتسويها...