سؤال الى امهات المستقبل القريب ان شاء الله

الى امهات المستقبل القريب ان شاء الله
سؤال يجول في خاطري
موقف شايله همه من هالحين
لما وحدة من قريباتك تولد وهي متزوجة من احد عشر شهر تقريبا
يعني ما شاء الله لا اله الا الله حملت علطول وتروحين تزورينها
وتتحمدين لها بالسلامه والعيله ملتمة حواليها وطبعا الجمهور ما يفوت مناسبه
حتى يلطش علينا بالحكي من ليش للحين ماخلفتي والله يرزقكم
وخذي العيل احمليه عشان تتعودي على الاطفال وروحي المستشفى الفلاني
وهذا كله كوم وكلام العين كوم ثاني
اشلون بيكون موقفك؟
انا يابنات اتمنى ان ما احد يفهمني غلط
اللهم لا حسد وانا والله افرح لقريباتي لمن يحملن ويخلفن
لكن بنفس الوقت اشيل هم الموقف المحرج والتعليقات السخيفة
والتلميحات المحرجه اللي تنزل الدمعه وتفضح المستخبي
والنظرات الملعونه ما عليش على التعبير بس من حر مافيني
ما يراعون مشاعر الانسان انا بالاول اقول نواياهم طيبه بس ما يوزنون كلامهم
واحملهم على محمل خير واقول يحبونا و يتمنون لنا الخير لكن هالحين ضاق صدري بصراحه
يعني تعلموا الاتكيت وتكلموا بدون تجريح يعني انتوا ما خلفتوا بشطارتكم الزايده
علشان تطلعوا في العالي وتسمعونا من هالحكي بمناسبة بلا مناسبة
وما سويتوا اكثر من الي سويناه لكن حكمة رب العالمين
يعني ياعالم الانسان طاقة واكثر من كده ما يتحمل
او الحلوه اللي تقعد تضغط عليكي(فاكره حالهامقربه واحسن من غيرها)
ليش للحين ومن مين السبب انتي ولا زوجك؟
وتلحن لك بالاسئله والتلميحات بس تبغي تعرف
وش ذي اللقافه ياربي لازم الوحده تهزئها عشان تسكت يا لطيف
ما عليش يابنات العذر والسموحه طولت عليكم واستطردت من موضوع لموضوع
بس كلها من واقع المعاناه
اتمنى اشوف ردودكم تثري الوضوع وتنور الصفحة.