سؤال الى كل النسسوان

السلام عليكم يا حلوات
ممكن تسمحولي اسالكم سؤال بس لا تحكوا عني بسيطة كتير لاني انا فعلا عقلاتي على قدي وبسيطة بس جاوبوني وفهموني واعتبروا انكم خواتي
كتير بقرا بالمنتدى انه واحدة جوزها بسالها عن مغنية او ممثلة يعني فنانة زي ما بقولوا ويعني بتسال انه عادي يسالها ولا مش عادي والاجوبة بتكون بالغالب انه عادي ما فيها اشي السؤال انه يعني عادي الرجال يطلع على هالمراة هي (الفنانة) ويحب شكلها حتى لو سال عن اسمها اوما سال انا بحكي لانو انا من 3 سنوات شطبت كل القنوات اللي مش اسلامية يعني ما بعرف اشي عن المسلسلات والمغنيات والفنانات الا اللي كانوا قبل 3 سنين بس اللي مستغربته انه ( الفنانات ) هالايام غير يعني كل واحدة مخلفتلي عر ولاد من زواج عرفي وعادي بتحكي بالعلن وبدون لاحيا ولا اشي يعني انت بتامني على جوزك يتفرج على واحدة زي هدول هي غير الدهان اللي صايرين يدهنوه والباس اللي مابعرف بس ما بعرف اسم تاني الا اللباس بس هو مش لباس لانه بكشف اكتر ما بغطي وعمليات التجميل والبلاوي اللي انا لاني بسيطة ما بعرفها انا لو زوجي اطلع على واحدة منهم بصير الدم يغلي براسي لمن جوزي يحضر الاخبار عالجزيرة بضل واقفة قدام التلفزيون عشان مايشوف بس يسمع لا تصدقوني بس بكون بصراحة متوترة كتير لحد ما يطلع رجال لانه انا كنت اكتشف زوجي كتيرر و هو بتفرج عالنسوان بالذات انه انا مش سعودية وعايشة في بلد الله يستر علينا من لبس البنات بس الحمدلله شوي شوي زوجي خف كتير يعطي مرات بتفلت عينه بس بسيطر عحاله اغلب المرات الله يثبته امين بس جد جاوبوني عادي يتفرج عالنسوان اللي في التلفزيون والافكار تروح وتيجي ولا تحكولي واثقة من نفسي لا تنسوا انه الشيطان بكون موجود حتى يحليها بعين جوزك ويبشعك انت بعينه ويخليه يعمل مقارنات على اقل تقدير
ان شالله ما اكون ازعجتكم وطولت عليكم بس ياريت تعلموني وشكرا