سؤال الي خواتي الليبيات في الغربة

وعليكم السلام ورحمة الله وبركاته

اهلاً يا اسما وبالعكس دوتك مش واجده لكن الاسئله صعبه
بالنسبه للعبنبر نفس طريقة حلى جوز الهند غير حطى لوز بدل جوز الهند
الطريقه مكتوبه بقسم الحلويات توا اندورلك عليها ونكتبها لك

اما البرغل ما فهمتكش لاننا نشروا فيه جاهز من المحلات العربيه كان جتنا الهفه على التبوله

وعجينه رشدة الكسكاس
شوفى انا ما نعرفش مقادير
بس دقيق وملح وزيت وبيضه (تقدرى تستغنى عنها) وماء
طبعاً حاولى تعمليها يابسه اشوى مش رطبه باش ما تعجنش
واعجنى
الصراحه انا نعجن فيها فى خلاط العجن (ما عنديش جهد) وانحط الميه بالشويه وانشوف
المهم بعد ما تعجنيها قرصيها وحليها بالماكينه وكان حسيتيها رطبه حطى دقيق اثناء الحل
خلاص بعدها قطعيها
وخلى اميتك على النار تغلى وكل ما تفتحى اشوى غربلى وحطى فى الكسكاس لانك لو حطيتيها كلها مره وحده اتعجن
وبعد ما اتبوخ التبويخه الاولى صبيها فى صفره او قصعه وافتحيها بيدك من بعضها
وحطيلها من دهان المرقه اللى طيبتيها او سمن
بعد ما تتجانس كلها بوخيها التبويخه الثانيه
وما اتغطيش الكسكاس بكل
هكى تكون طابت تقدرى اتحطيلها زهر وقرفه وسقيها
وبالهنا

ان شاء الله تزبط معاك
سلام

اختي العبنبر و الله ناسيه بس الرشده مقديرها هي
1 بيضه +دقيق+رشة ملح+ كشيك سمن+ ماء
في الاول اتحطي الدقيق و البيضه و كشيك السمن و اتخلطيهم امع بعض لغايت ما ايولي لون الدقيق زي الاصفر او اميل لي الصفار
بعد هكي اعجني الدقيق بالماء بس خلي بالك من انه اتجي رطبه
او علشلن ما اتجي رطبه استعملي طريقه سهله في العجن هي
خودي كل مره غرفة ادقيق و تعجنيه ابروحه اوديريه قرصه او في العجنصبي الميه بالشويه بعدين خلي العجينه ترتاح اشويه او بعدين اكملي الشغل في المكينه زي ما انتي عارفه اوصحتين

لاسلام عليكم ورحمة الله وبركاته
اختي ام محمد بارك الله فيك علي الرد واهلين ببنات بلادي وشكرا علي الطرق وان شاء الله ديمة نتلاقوا ونستفيدوا من بعض :26: :24: :26: :24:
اختي rubyina بارك الله فيكي علي الطريقة ويارب ديمة نتلاقوا علي خير ويردنا الي وطننا سالمين والي لقاء قريب ان شاء الله :26: :24: :26: :24: