اختى
انا عن نفسى ماعمرى فرزنت شىء وكل سنه اقول هذى السنه
لا كن لا بغيتى الصدق حلاة الاكل اول بأول يكون الذ واطعم
لكن مرات الظروف تحد الواحد على شىء ما يبغاه
احاول انى افرزن ه السنه والله يعين الجميع

:26:

>>> شوفي إختي نقلت لج هالموضوع للأخت " قمرة " من منتدى ثاني ,,, تقول :

(( أحنا في قبل رمضان بشهر تقريبا نبتدي انلف شنو انلف طبعا السمبوسه و السبرنغ رول
و كل وحده تتفنن في اللف بحشوات و أشكال
و طبعا بعد ما نلفه نرصه ف يصينيه ناشفه و ندخله في لفريزر لمده ساعتين و بعدين نضعه في اكياس و نكتب عليه نوع الحشوه
و وقت التقديم نقليه
___________________________________________

وهذا موضوع يخص للإخت "نورة" تقول :

" نحن هاي طريقتنا بعد من زمان..والله توفر عليج وقت وايد..انا اسوي نفس الطريقة بعد للورق عنب..

بس ما أذكر حشوات السمبوسة..شكلي بدور في النت وبيمع طرق..هيه..تذكرت بعد..اسوي كبة بطاطس بلحم المفروم والبهارات وأثلجها.. ""

____________________________________________________

مشكورين يا بنات

عاد انا هالسنه ناويه ابفرزن من اليوم انشالله بس ادعو يوصل المعرس اليوم ( الفريزر ) :)

السلام عليكم جميعا انا افرزن الكبه وورق العنب ومحشي الملفوف والسمبوسه بالحمه والجبنه والسمبوسه الصغيره المحشيه بالكيري وبعدين اقليها واسقيها بالشيرة وقت الفطور وكلهم يطلع طعمهم لذيذ وحبيت فكرت السيدات بالمنتدى الي يعملوا الكشنه(البصل والطماطم والثوم) بكميه كبيره ويفرزنوها بدل الريحه كل يوم0