سؤال بخصوص الروضات وطرق التعليم

سلاااام
كيكفكم ياامورات ... اخباركم
الموضوع ومافيه ان ولدي عمره 4 سنوات والى الان مايعرف الخمسه من الطمسه ولا الكوسه من البسبوسه
يعني حده حده يعرف الالوان لا ومرات يخربط فيهم بعد هههههههههه
المهم تعبت معه وطلع لي 4 عيون كل مااجيه من جهه يستهبل الاخ ويتنطط
قلت مافيها خلاص وديه روضه وديته روضه بس رفض يروح وكل يوم بكي ونياااحه الى ان ابوه قالي خلاص ارحمينه وارحمي الولد من هالفلم المرعب الصباحي كل يوم
يعني الولد بالنهايه رجع قعد بالبيت
المووووووهم مااطول عليكم حبيباااتي
قررت وبعد التوكل على الله اني ابذل جهدي معه احاول اسوي له روضه بالبيت وافرغ وقتي له
طيب الان حابه اعرف بالضبط شنو برنامج الروضات ياليت تساعدوني واكيد كثير مثلي يبون يعلمون عيالهم
ابي شنو برنامجهم الترفيهي وشنو التعليمي
وابي بالتفصيل الممل كل شي ماابغى ولدي يتملل معي ولا انا اوقف
راح اسويه ساعات محدده من كل يوم
شوي ارقام حروف قران احاديث اوادعيه قصيره قصص تربويه نشاطات فيديو كمبيوتر انجلش يعني برنامج كامل تقريبا
حتى اذا دخل التمهيدي السنه الجايه يكون اسمالله عليه فاهم وعارف بكل شي
لان اخته بعمر 3 سنوات ماشاء الله عليها كانت تعرف كل الحروف والارقام وقصار الصور وكلمات اجليزيه والحروف بس هذا غير ماادري الاولاد يختلفون عن البنات ولا حسب الشخصيه
المهم حبيباتي انتظركم كل من عندها راي اوفكره ياليت تسدحها هنااااا حتى انا وكل الامهات يستفيدون واتمنى اتمنى يردون معلمات رياض الاطفال ويفيدونه برايهم وياليت لواحصل نشاطات على الكمبيوتر اوراق عمل اواي شي ممكن يفيدني
وشنو ابدء له وكيف انظم الجدول اليومي يعني كل شي بالتفصيل لان ماعندي اي خبره
بانتظاركم لاتتاخرون علي