سؤال بخصوص الممرخات هل يصدق كلاهم؟؟؟؟

السلام عليكم كيفكم يابنات ****لله بخير ...
حابة اسئلكم اللي قد جربت الممرخة وفادها في الحمل؟؟؟
انا سمعت كثير عن التمريخ وبحثت في قوقل عنه وقررت اخيرا اني اروح لممرخة تمرخني لان لي 5 شهور ولسة ماصار حمل لاتقولو لسة عروسة وبدري لا مني صغيرة لا انا ولا زوجي وودي اشوف عيالي قدامي المهم... في البداية رحت لدكتورة في مستشفى فقيه وكشفتلي هرمون لحليب والغدة وتقول انه كويس قالتلي ان هرمون الحليب يعتبر شوي عالي بس مايضر ولا احتاج اني اخذ ادوية نسبة هرمون الحليب عندي 24 ... والغدة تقول الحمدلله ممتازة مافيها شي وقالتلي اعمل اشعة صبغة بس تعرفو مستشفى فقيه بمواعيدهم طنشت ماسويتها... المهم الدكتورة طمنتني بس برضو ماصار حمل... مسكت امي وقلتلها تشوفلي ممرخة شاطرة كلمت وحدة من جيراننا واعطتها رقم ممرخة لانه ماشالله بنتها حملت بعد الله ثم هذي الممرخة ورحنالها؟؟ يوم كشفت علية قالتلي انو رحمي مايل لليمين مرة ومرختني 3 ايام لكن مو وقت الدورة , اول ما خلصت الدورة بديت اتمرخ لمدة 3 ايام وماحسيت باي الم وهي تمرخني واعطتني اعشاب وقالتلي اربط بطني في النهار لمن اشتغل وابدا مااشيل شي ثقيل لانه هذا اللي ينزل ويميل الرحم اخذت بشورها وانا الان انتظر... حبيت اسال من فادها التمريخ؟؟؟ وانا خايفة من شي اني لمن رحت للدكتورة ماجابتللي سيرة عن ميلان الرحم بعد ماكشفتلي ؟
وفي شي كنت الاحظة في نفسي اني لمن استحم في الحمام اشوف بطني مايلة للجنب يعني مكان منفوخ ومكان عادي هل هذا يثبت كلام الممرخة؟ وكيف الدكتورة مااكتشفت انه عندي ميلان رغم الاساليب الحديثة؟

يارب ياكريم انك تجعل ذهابي لهذي الحرمة سبب للشفاء وامرك بين الكاف والنون اذا اردت شيئا انما تقول له كن فيكون اررزقني الحمل وجميع من في المنتدى في القريب العاجل ياكريم امين...