سؤال بخصوص دمامل العين والحجامة والماء البارد

السلام عليكم ورحمة الله وبركاته


صباح الخير خواتي

اتمنى تكونون باحسن حال

اشلونكم مع العلاج ان شااء الله ماشين تمام؟؟


المهم

عندي سؤال ومحتارة وماعندي غيركم اسأله

بالنسبة حق الحجامة والماء البارد لعلاج العين

انا فيني دمامل تألم في ويهي كله وفيها صديد
سويت حجامة للمرة الثانية في ويهي ومواضع السنة الكاهل والاخدعين

بس هالمرة بعد الحجامة بيوم زاااد الحبوب في ويهي وزااااد الصديد فيها

مع ان الحجامة تنظف الدم وفعلا انا احس لما اسويها لويهي الحرااارة اللي احسها من الدمامل تخف والألم يخف ماشاء الله والحمد لله ويطلع مني دم ثقيل وغامق وكثير لكن بعدها يطلع لي اللي قلت لكم

وخاصة هالمرة

انا ما اشكك بعلاج الحجامة وفايدتها بالعكس واااااااااثقة ان فيها الشفاء باذن الرحيبم لان هذا قول الحبيب المصطفى عليه الصلاة والسلام

لكن سؤالي


هل ممكن يكون ظهووور الحبوب بهالشكل بعد الحجامة مباشرة يعني من بوادر الشفاء
وان الحجامة بدت تطلع مادة العين من ويهي ؟؟؟

عشان جذي يطلع الصديييد والوسخ بعدها ؟؟؟؟؟؟؟

بالاضافة الى اني احس بجسمي تعبااان بعد الحجامة وانااااااااااااااااام لساعات.... هل هذه كلها بوادر خير افيدوني بتجاربكم

وبالنسبة للماي البارد

انا سمعت انه علاج فعال للعين وباقي الامراض الروحية

من فيكم جربته ؟؟

بديت فيه من جم يوم

والحين توني مغتسلة فيه ولاحظت الصديد زاد في ويهي

هل يعني ان العين بدت تطلع مني ؟؟




انتظر ردودكم

وارجو دعواتكم لي بالشفاااااااااااااااااااااااااااااء